Follow us on social

Follow us on social

840

【積少成多】 小店回收Con殼錫紙500公斤 自設回收點 「冇人講一於我哋講」

撰文：ACOO
06-01-2022

戴隱形眼鏡日日換就最清潔衛生，但日日丟con殼很不環保，怎麼辦？有小店推出con殼鍚紙回收點，實行小小有用資源都不放過！

 

Con殼的錫紙體積相當小，加上市面回收錫紙的地方少之又少，不少人誤會錫紙是無法回收的。但其實錫紙屬於金屬物質，同樣可以回收再造。小店 @contactlenseasy 

推出con殼回收計劃，收集用過的con殼和鍚紙，轉運到回收站後工人會將它們分開並清潔。幾乎零重量的con殼，截至12月，已經回收了超過500公斤，名乎其實積少成多！Contact Lens Easy成為少數自設回收點的隱形眼鏡小店，本著「冇人講一於我哋講」的精神，為環保出一分力。

 

回收程序很簡單，只要網上登記就可以領取回收袋，收集到一定con殼後就可以郵寄或親自送去觀塘及銅鑼灣門市的回收點，方便簡易。千萬不要懶，只要幾個步驟就可以就地球出一分力了！

 

Con殼回收小店

相關文章

從傳統酒樓的一盅兩件，到結婚過大禮向家長敬茶，在香港文化中，茶一直佔一重要席位。在九龍城南角道一間小茶莊「源茂興記」，茶也同樣在兩位老闆劉氏兄弟的生命裏留下深刻印記。「精選各種名茶」、「唯一馳名觀音」，茶莊門口兩側威風凜凜寫着，而頂上則是從右到左六個大字：「源茂興記茶莊」。從1954年開業至今，這裏始終如一，茶葉的穩定品質，一直讓細劉生引以為傲：「七十年前係咁樣包（茶葉），七十年後都係咁樣包——只不過多咗個膠袋。」 只是如今面臨九龍城區重建，茶莊也終將迎來光榮下場的結局。「初頭就諗住搬遷嘅，但而家就諗住唔做，因為我哥打算退休喇，變咗得我一個人，做唔掂囉。」老闆之一「細劉生」解釋道。這個陪伴他們逾六十載的小天地，終將不復存在。 文字：Yanto @yanto_924 攝影：Hiuyan @hyphotgrap 設計：Kayan @yipyn ｜在茶莊的那些年 「我哋都喺九龍城長大、喺度出世㗎。一直以嚟，由返學放學直到結婚，都係喺九龍城生活， 其實九龍城就係我嘅故鄉。」從細劉生出生以來，他們一家七口便住在九龍城南角道，舊居與現舖只有一條馬路之隔。「因為我哋以前係前舖後居，直接住喺裏面。」1200呎的空間，由爸媽、五兄弟姐妹、店面、存貨攤分，每人分到的空間其實並不多。到晚上要睡覺時，「攞兩個茶葉箱，然後行一塊板，嗰塊板係兩呎左右，瞓一陣半夜會變咗喺地下，哈哈。」 不光是生活空間，茶莊的工作也佔據了細劉生童年一大部分。「放學之後，係做完舖頭嘅工作先做功課㗎。」那時生意興旺，五兄弟姐妹自然逃不過要幫忙分擔店內工作。他們每天一同圍着桌子包茶葉，動輒用上個多兩個小時。茶莊晚上九點關門，「你唔幫忙？咪無得收工囉。」姑勿論關店後，他們還要完成學校功課。 如斯日復一日，這群孩子也長大成人，正式步入社會。不過，細劉生並非一開始便計劃接手茶莊。建築、速遞、膠袋製作

ACOOPERSON   九龍城   小店   ...

「唔該我想搵Tella姐！」 「好！請等等。」 半個身影從鞋店的閣樓探出，隨之，她從貨梯上矯捷爬下，雙眼帶笑，聽起了客人的來意。開業近六十年，這幕在崇麟上演過無數遍——走過半百，九龍城的一切或聲張、或悄然地變着；但在衙前塱道的這間小鞋店，一切又彷彿始終如一，好比眼前始終笑容可掬、用心對待每位來客的她。她，就是崇麟鞋業的老闆Tella姐。 文字：Yanto @yanto_924 攝影：Hiuyan @hyphotgrap 設計：Owen @wai.ho.98 ｜寫了大半輩子的地址：衙前塱道82-84號 這間位於九龍寨城公園正對面、一幢外牆已落漆的唐樓之下的鞋舖「崇麟」，於1967年開業，由Tella父親所開——那甚至是城寨還未被拆遷的年代，當時的Tella只有3歲，「仲係小朋友嘅時候，就住喺呢度樓上，呢個地址我都寫咗60年喇。」她一頓，解釋由於父親從中國偷渡來港，所以無法回去：「我負責寫信去問候媽媽。」當年因為要應街坊所需，崇麟還會售賣各種雜貨家品，所以稱之為「崇麟百貨」。後來，隨着城寨的遷拆、社區的發展，崇麟慢慢轉為只賣鞋履，從小小街檔擴張，租下了隔壁唐樓的地舖位，作為店鋪延伸。 後來，Tella一家曾搬走。或許是緣分的驅使，兜兜轉轉後，他們最後又回到這座唐樓之下。「咁啱呢棟樓之前唔知有啲咩結構性問題，拆咗之後就變成可以喺度租舖做生意。」自此，他們便正式落地生根，直到現在。Tella回想起這些年的潮起潮落，有感而發地說：「我個業主真係好好，好照顧我哋呢啲小商戶。」三十幾年間，崇麟經歷市道高低跌宕，自然也有過低谷，「喺經濟唔好嘅時候，我都好忐忑，因為自己都有三個小朋友。如果過唔到（呢關），最後嘅打算就係破產，承擔責任。」就在店舖九死一生時，Tella為了拼出一個機會，便硬着頭皮寫信給業主，說明情況。誰料到，業主真的答允減租，與他們共度時艱。「（業主）唔可以只係用『良心』兩個字去界定，而係真係有修養。」 雖然只是社區一隅不起眼的小鞋舖，卻在它近一甲子的生命中，承載了那些年經濟起飛港人的拼搏精神，又有着過去一城人共同走過的低潮。 ｜做一間街坊舖 走在今年的九龍城街頭，可以看到滿街老舖，連被老舖顧大的孩子也開始兩鬢斑白。時代的巨輪不斷向前滾動，也為崇麟帶來不少艱巨的挑戰，Tella直言一是網購，二是連鎖店：「新嘅家庭、後生仔，或者係新手父母，佢哋幫小朋友買返學鞋，好多時候都會習慣去某啲牌子，因為嗰啲牌子已經係深入佢哋嘅生活裏面。」的確，童年記憶中街市或商場擺放着人字拖、膠拖鞋的舊鞋店，都在不經意間逐一消失，換來各間一式一樣的連鎖店。 幸好，崇麟還有一眾老朋友的支持，不少街坊即使搬離社區，仍然會專程回來幫襯，只因為崇麟獨有的人情味 —— 在崇麟的另一號人物是阿晴，她從16歲便在這裏打工，直至現在已成家。說起阿晴，Tella有讚無彈，直言她做得捱得又有心：「你真係可以用無微不至去形容佢嘅上心，啲鞋係需要點着、可以點着，對學生鞋上次着咩碼，今次幫佢攞大多一、兩個碼。」舖頭內的鞋全都擺放得整齊有序，從嬰兒鞋、返學鞋、到護士鞋、拖鞋，甚至繡花鞋都有，就如同她們一樣，陪伴街坊走過人生的每段路。 這份用心是有回饋的，兩年前舖貓花花得了腎病，醫藥費要價不斐。更嚴峻的是，那時鞋舖生意低迷，讓Tella感到蠟燭兩頭燒，壓力快把她壓垮。這時候，一位街坊竟亦義無反顧，扛起了照顧花花的重任。Tella解釋，街坊是一位貓義工，和花花關係一直都很好：「聽到姐姐把聲，佢會即刻由入面走出嚟，然後撲上姐姐度騎膊馬。」不忍看花花受病痛折磨，那位街坊包辦了花花的醫藥費用，帶牠看新醫生、試新藥。雖然花花最終還是不敵病魔，但在生命的最後，牠有了多一位深愛牠的人陪伴，亦加深了Tella與這裏人和事的牽絆：「真係令我覺得有人好重視你、重視你啲貓。」 ｜再見龍城 經營至今，對Tella來說崇麟早已不只是一個檔口、一門生意，更是待人接物的精神，「雖然係唔起眼嘅嘢，但可以由你去畀價值佢。」一直以來的用心，凝聚成了鄰里間的信任和關係。不少街坊經過，無論是不是來買鞋，都總愛進來逗逗貓，與Tella、阿晴聊聊天。可惜，九龍城區重建工程將至，屆時衙前圍道及賈炳達道一帶的居民、商戶都要遷出，「估計在2025的年中至年尾，我們應該就要搬走。」 不過，即使在市道低迷等種種不利因素之下，Tella仍無意讓崇麟就此結業，「可能係對九龍城熟咗，我啲熟客由出面返嚟，都係習慣返嚟九龍城搵我哋。就算未有呢個重建項目嘅時候，我自己都諗過會做到退休。」若租金、地理位置許可的話，她還是希望在區內重新找一個舖位，繼續服務街坊。 傳統習俗說不能送鞋給喜歡的人，原因是象徵送走他；不過崇麟那麼多雙好走的鞋，已伴眾人走過了半世紀歲月，相信即使走再遠的路，也定必能把Tella帶回來九龍城。她說：「只要你肯做、你想做，你就去做，自然會有下一步跟住你。」 -------------------- In ACOO, you can see #ACOOPerson.

ACOOPERSON   九龍城   九龍城寨   ...

不知你有否試過，在晚上搭飛機時，從上空看到香港的夜景，很醉人，很美。這個美景，是如何構成的？ Jun和Billy這對夫妻，在香港遍尋讓自己有「歸屬感」的地方，最終決定在坪洲定下來，開一家小店「燈隅」，丈夫沖咖啡，妻子在世界各地搜羅有趣的古物販賣，又和攝影師、畫師合作擺設小展覽。如詩如畫的生活背後，二人平日仍是「返工狗」，用兩份薪水換來這片讓人歇息、沉澱的小天地。 日本佛教有一句話，叫「一燈照隅，萬燈照國」，「每個人好似一盞小燈，發揮自己小小功能，照亮自己小小嘅角落，加埋就可以照亮好多地方」。堅持下去，或者是因為有幸遇到知音、惜物之人，又或是感恩自己能夠在別人生命中佔一席位。面對難關時，回想起自己店名，夫婦又能找到動力繼續——正因為大家每人都用力發亮，才構成了這片美麗的土地，不是嗎。 文：Heidi @heidi.is.strong 圖：Kayan @yipyn  ｜搬進小島成就緣分 自有記憶以來，Billy便很喜歡海。小時候住在屯門的他，常坐在洗衣機上，拿着保溫杯，雙眼定睛看着窗外安定邨那片還未被填平的海。長大後，Billy曾搬到荃灣，「我成日覺得荃灣係一個唔屬於我嘅地方，就算我住幾耐，我都有一種同呢個地方有種距離感。」最後決定跟隨自己孩提時的感覺，帶着自己的鋼琴，搬到坪洲這個小海島。太太Jun則笑說自己的故事並沒有那麼浪漫，「因為家庭原因，十零歲我就開始自己住。好多地方我都住過，大角咀、屯門、觀塘、西灣河、天后、西環⋯⋯無一個地方可以留得好耐。」有次探望朋友，首次踏足坪洲這個小島，便被這裏的寧靜與平和氣氛深深吸引，遂決定搬進來。 2013年，任職空姐的Jun，與朋友阿傑在坪洲一同開了一家叫「陸日」小店，在世界各地搜羅二手舊物，放假就在小店販賣。一天，Billy經過小店，問：「可唔可以要一杯Americano?」牽起二人的緣分。相識後，二人形影不離，Billy加入了成為其中一位店主，負責沖咖啡。「如果唔係搬入坪洲，我唔會認識到佢，唔會結到婚」，Jun笑說；「可能你搵到一個更有錢嘅呢？」Billy打趣道。 COVID過後，兩位店主決定分道揚鑣，與此同時Jun亦面對人生交叉點：「COVID嘅時候我生一個女，我兩隻16歲嘅貓就走咗。感覺係，我好想同個女分享我有貓，我有舖頭呀，所以好想保留呢度。」這裏遂由夫婦延續下去，加上攝影師William、畫家Heidi和咖啡師逸支持，變成「燈隅」。 ｜感激舊物、好好道別 穿過「燈隅」黃澄澄的大門踏進去，立刻便可感受到這對夫婦用舊物建構的佗寂美學。店鋪四周又以乾花佈置，角落盡處還有與畫師及攝影師合作的小型展覽。大門左手面是一張bar枱，一張沙發，Billy在開店的日子會以自家焙煎咖啡豆為大家沖咖啡；右面擺放了Jun在世界各地蒐集的古物，例如昭和風的玻璃餐具、陶瓷杯碟、撥輪電話等。 你能想像這間店的古物，大部分都是靠Jun一人帶回港嗎？「呢個係Adding Machine，係歐美地方用來會計，計數嘅嘢，佢（Jun）自己一條友抬翻嚟」，說罷，Billy艱難地抬起了「Burroughs」牌子的金屬機械計算機。Jun說：「我清咗嘅行李箱，周圍圍住啲衫，一個人抬翻嚟。搬完之後，我覺得自己成個膊頭都沉咗落去」。 Jun小時候已對舊物有特殊感情，儲過地鐵紀念票、郵票、玩具，但全都被母親扔掉。所以Jun長大後去到外地的舊物市場，她常留意能否重遇這些「老朋友」，「曾經喺紐約一個舊物市場買到一部SX 70相機，就係我爸爸用過嘅，個情景好有電影感，仲好似有背景音樂咁！」時至今日，一家人在扔東西前，仍有一個特殊習慣——認真做一次感激及道別，「如果唔記得好好道別，我個女會喊！」 ｜繼續的理由 在小島生活，租金相宜，生活恬靜，最讓人卻步的大概是交通時間加倍，Billy說：「我甚至試過有一份工喺觀塘返工，來回三個鐘，我都做咗一年幾，但我覺得辛苦啲都值得。我覺得坪洲同市區最大嘅分別係，市區就算你裝修到幾靚，你落電梯行出街，就係另一個世界；坪洲就係比較表裏如一。」 起初搬到坪洲，Jun已經感受到這裏和住在「城市」的分別：「我會話係鄰里關係，住喺出面嘅地方，可能煮飯，想借油鹽糖隔離都無人會睬你。甚至試過有人搬到我隔離，我打招呼佢唔理我。」在坪洲，到樓下走一個圈，到處都有人和自己打招呼，「直到依家，我放工喺街行，我都會覺得，呢度就係我屋企啦。對於其他人而言呢度喺旅遊、打卡嘅地方；對我嚟講，一行落樓，隔離就係一個海，呢個就係我哋嘅日常。」 開店最重要是生意，Billy形容小店不在坪洲的「市中心」，有時人流少得可憐，「我哋依家嘅狀態，唔可以叫自負盈虧，可能係自負虧虧？」但，堅持下去的原因原來很簡單：「記得有一對客人，佢哋都好鍾意飲咖啡，成日同哋傾啲關於咖啡嘅。直到有一日佢哋嚟到，突然同我講佢哋下星期飛去英國啦。雖然大家都係交心，但其實完全冇諗過我哋咁遠都會成為佢哋Farewell嘅其中一個目標。對於能夠有呢一席位感到榮幸。」 「燈隅」，意思就是：「大家都有一盞燈，就可以構成這個地方。」 In ACOO, you can see #ACOOPerson .

ACOOPERSON   古物   坪洲   ...

戰後時期，香港製造業興起，直至6、70年代進入蓬勃階段，製衣、玩具、塑膠及印刷等行業全都如日中天。即使不曾親身經歷，也曾在影視作品或經歷廣東歌中，像是全家人一起穿膠花、陳寶珠的《工廠妹萬歲》，窺探當時人們的工作和生活，也能見證工廠大廈在香港的變遷。 ｜因工廈轉型的女性 在亞洲大部分國家的傳統家庭觀念裏，都是男主外女主內，女生結婚後便留在家中相夫教子，打理家頭細務。不過，在香港經濟起飛時，製衣工廠對女工需求大增，加上當時社會氛圍是肯捱肯搏便有收穫，不少人都願意用勞力換取更好的生活質素，所以不少女生開始到工廈工作，或是從工廈接一些輕巧的工作帶回家做，像是剪線頭、穿膠花等，這正是成就香港職業女性的起點。 ｜工廠北移 進入80年代，因為土地租金及地價上升，加上勞工薪金也不斷上脹，均是本地製造業式微的主因。面對這樣的情況，香港的商人紛紛尋找更適宜的地點建廠，而中國則成為他們的最佳選擇。這樣的情況持續，香港工廈不斷關閉空置，也直接讓不少工人失業。同時，香港經濟也慢慢轉型，改為發展金融及服務業。 ｜假日好去處 近年，不少工廈都翻新重建，像南豐紗廠，既保留了部分舊有樣貌，又嘗試引入不同的文創店舖進駐，使好一段時間失去生命力的工廈重新活過來。除此之外，觀塘、九龍灣、土瓜灣等工廈，雖然從外表看起來仍是破舊破舊，而且附近常常有大貨車和拉着唧車的肌肉工人，但裏頭其實藏了不少神奇的東西，可能有美食、皮革店、樂隊的Band房、舊物古着店、藥妝店或小型超市等，反倒成為不少港人假日的好去處。 《工廈角落》相展 日期：6月15日至30日 時間：逢星期五至二下午1時至6時 地點：九龍灣宏照道11號寶隆中心B座7樓707室WURE AREA 攝影：林曉敏 @lam_hiuman 、何逸 @hidden.rabbits （顯影 @photogstory 提供照片） 文字：Hoiyan @seamouse_hoiyan 設計：Owen @wai.ho.98 -------------------- 香港角落：直覺記錄香港，鏡頭攝下角落。 In ACOO, you can find #ACOOHKCorner.

ACOOHKCorner   ACOOPick   小店   ...

有好一陣子，香港人喜歡談「集體回憶」，就是懷緬一些舊陣時經歷過的、見過感受過的事物。然而這個1999年出生的小伙子，沉醉儲一些比自己更老的事物。 24歲的阿鋒沒讀過歷史，偏偏被舊物背後的故事吸引，變成一個舊物收藏家，開一間「夜冷店」，尤愛「香港製造」的物件。他自認是一個老土的人，不過他亦嘗試讓「舊物」變得不那麼曲高和寡，「我呢啲嘢客人全部都可以掂，希望大家唔好將舊物呢樣嘢變得太神聖」。 舊事物可以是情懷、可以是潮流、更可以是一個個可觸碰的活見證。這間小店名為「拾舊」，代表「拾回舊時的美好事物」，同時也象徵一段尋找香港歷史的旅程。 文：Heidi @heidi.is.strong 攝：Andrew @andrew_bangchan 設：Owen @wai.ho.98 ｜一件舊物 一個故事 踏進觀塘這幢工廈，入面有一間名為「拾舊」的小店。在一個不足200尺的空間，溫暖的黃光襯托下，裏面塞滿了老香港的珍寶，從玩具到餐具、從家品到商店招牌，琳瑯滿目。 鋒的父親也是一個喜歡收藏舊物的人，愛好儲書、紙類物件，「所以細細個去旅行，我哋屋企好奇怪，一定會去搵呢啲嘢。」在鋒在17、18歲時，為了清理家裏堆積如山的舊玩具，他參加了一個玩具市集，放售家中不要的寶貝。 在市集內，他認識了不少玩具收藏家，「每買一件就覺得好有趣，因為賣玩具俾你嘅人，都會同你講好多故事。」在這段過程，鋒漸漸發現，每個舊玩具原來都有歷史，只不過這些故事，不會在歷史教科書出現，「但呢啲故事，先係最貼地、最日常，係當年佢哋生活嘅經歷」。 鋒越聽越上癮，在不斷「入貨」的過程，這些玩具及歷史，逐漸像拼圖一樣組成一起，「你問我，點解我咁後生，無經歷過呢一切，都會咁著迷？因為越聽越會整合到當年好多大家都唔知道嘅事，我覺得好有意義，我想將呢啲無人知道嘅事情，用自己方法留落嚟」。 「接觸舊物，令我搵到屬於自己地方。」   ｜Empire Made？Made in HK? 鋒拿起身旁的一件香港製造的舊塑膠玩具，「你睇上去好似平平無奇，其實紙盒寫住嘅唔係Made in Hong Kong，而係Empire Made」。原來，1930年代時香港製造的玩具都不能寫上「香港製造」，「佢哋（英國人）覺得寫你個名，唔好睇」，所以只能寫「Empire Made」。 他憶述，有位收藏家老前輩曾分享自己訪問當年的玩具廠老闆的故事，「佢話，當年英國人點樣買香港製造嘅玩具？唔係一件一件計，係逐斤逐斤計算，唔係用數量，係用重量。但膠玩具好輕。老闆曾經試過喺英國人面前黑面，英國人一巴車埋去，一定要佢賣」。 「去到60年代，靠香港嗰一代人努力爭取，做好自己地方嘅商標、質素，先爭取到可以喺產品寫上自己地方嘅名字。慢慢越來越多產品可以寫『Made in Hong Kong』。」對於鋒而言，這個正是香港製造的魅力所在。因為這代表的不只是一段歷史，更是一種信念。 ｜出錢又出力 講到底，做收藏這回事，就是燒錢的玩意。鋒説自己前前後後已經在收藏舊物這件事投放超過六位數，「一開始用少啲錢，幾萬，係自己儲返嚟。後來透過買賣賺錢，繼續支持自己」。 香港地方少，「好流行扔嘢」，反而在外國地方更大，更有機會找到香港製造的舊物。鋒這幾年走遍亞洲，特別是同樣曾為英國殖民地的新加坡，或者是台灣及日本等地，逛逛跳蚤市場，尋覓驚喜。毫無懸念地，只經營舊物買賣當然不足以「維皮」，為了讓自己時間較彈性，他選擇返飲食業part time支撐自己的「愛好 /正職」，又用盡辦法省錢，「例如唔出街食返，多啲喺屋企食。上年仲有學生八達通，就搭多啲地鐵，慳得就慳」。 有時候要覓得心頭好，更要靠「厚面皮」。在「拾舊」內，有一個大型的鐘錶店招牌，來頭不小。「上兩年，我讀大學嘅時候，每日都會經過九龍城返學。當時經過已經覺得個招牌好靚，好想要。點知後來佢真係要收樓，無得做」。鋒在鐘錶店營業最後一日，硬著頭皮走入去問：「我覺得呢個好靚，你會扔嗎？可唔可以俾我？」他誠意打動了鐘錶店老闆，最後用了一個比較相宜的價錢接收這個人手製造的招牌，「後來知道，原來好多老前輩都問過呢間店。佢都無俾。可能我夠誠懇？唔知呀。又或者見我後生，覺得好少後生嘅咁有心？」 ｜我們與歷史的距離 鋒形容自己是一個「老土」的人，「我其他興趣都好阿伯，例如，我鍾意釣魚，釣魚嘅好似全部都係阿伯。朋友會覺得我好悶，唔鍾意掂新嘢」。 不過，在鋒眼裏看來，「老土」的只是他的性格，而「舊物」這件事並不老土，「好似呢排興Y2K，或者CCD相機，十幾年前鴨寮街賣都無人用，幾十蚊送俾你都無人要。我覺得舊物係一個時代嘅循環，潮流就係不斷repeat。舊嘢喺呢一刻可能係老土，但幾十年後可能又會潮返。」 不過，講到底，舊物對他而言價值絕非僅止於此。他前前後後已參與過幾十次市集，在市集與大家分享舊物的故事，「我想表達嘅喺，希望大家感覺到呢個喺一個捉得到嘅歷史，而唔係同你有好大嘅距離感。我希望大家都可以摸呢啲嘢上手，你就會發現歷史同人可以好近」。 In ACOO, you can see #ACOOPerson.

ACOOPERSON   小店   懷舊   ...

疫情下食肆禁令持續，銅鑼灣一間cafe就轉型自救，晚市轉賣兩餸飯外賣，希望幫補生意。老闆Evelyn表示，為了員工和食客，會盡所能繼續營業，「最緊要係人情味，畀到大家一個避風港！」 一齊祝福所有小店都可以渡過難關啦！

cafe   小店   疫情