縱橫香港音樂界30多年，一直著力推廣爵士樂的Clarence（張景謙），將擔任4月23日舉行的「戶外《聲．影馬拉松》」其中一位監製，並與知名音樂人Patrick（雷柏熹）攜手以爵士樂改編經典廣東歌。與兩位Jazz人對話，除了今次的活動，當然要趁機問問Jazz界的最新情況。流行音樂似乎迎來了百花齊放的時代，香港的爵士樂呢？

Pop與Jazz — 同樣的百花齊放

「近十幾年來，香港多咗好多玩得好好嘅樂手！」與流行音樂相似，香港的爵士樂界近年亦變得熱鬧。Clarence表示，很大程度歸功於互聯網和社交媒體，令音樂人擁有更多曝光機會。Patrick亦有同感。他表示，過去要取得學習爵士樂的相關資源較難，「依家多咗人去玩，YouTube咁流行，好易學到，Jazz係一種好講互動嘅音樂。」

伴隨社交媒體的興起，業界生態亦徹底改變，賣碟難為生，唱片公司影響力降底，這種情況已是老生常談，音樂人自求出路，無論Pop還是Jazz都一樣。Clarence笑指，不單音樂人的自我推廣，連搞音樂會都非常依靠社交媒體，「點樣令人知係最難，依家搞完個show，如果有人話唔知請咗邊個（做表演嘉賓），係你（搞手）嘅問題！」

觀眾方面，爵士樂有年輕化趨勢，「之前搞show，都好多後生仔嚟睇。」越來越多人享受爵士樂帶來的精彩音樂世界，這是Clarence樂見的情況。或許這亦是「戶外《聲．影馬拉松》」令人期待的其中一個原因，「我冇特別去諗到時台下嘅觀眾係咩人，淨係Danny Summer（夏韶聲）一個人開show，都可以坐爆晒！」

張景謙：以Jazz改編，為廣東歌注入新生命

話題回到今次的活動，音樂會分兩部分，Clarence監製的是第一部分「流行音樂會」。他坦言，雖然「Jazz喺任何地方，都唔可以話係主流音樂」，但將流行音樂改編成Jazz版本，可以為原來的歌曲注入新的生命，「完全唔同嘅感覺，香港好多中文歌都可以咁做！」

Pop轉Jazz的做法，Clarence和Danny無疑帶起了風潮。他在1998年與Danny推出以爵士樂重新演繹廣東歌的大碟《諳》，「反應好好，Danny再出多4輯，之後好多香港音樂人就（將流行音樂）Jazz化咗佢。」今次的音樂會line up，殿堂級歌手除了Danny Summer，還有陳潔靈和倫永亮，說到歌單和改編細節，Clarence賣了個關子，「來到就知會有咩驚喜！」

雷柏熹：希望畀人知道，香港Pop都可以用instrumentation去玩

樂手方面，既有mini combo亦有big band，前半表演由Legacy Band操刀，之後由「雷柏熹爵士大樂團」接力。「Jazz嘅世界好闊，今次我主要會揀啲有Jazz potential嘅歌嚟改編。」Patrick如是說。

他解釋，可以將音樂看成一個光譜，「例如好貼近民族音樂，就會離Jazz好遠，而如果funk啲、groovy啲嘅pop，就會易啲改成Jazz。」他今次除了會率領big band表演，亦會與幾位年輕歌手合作，包括岑寧兒、林奕匡、黃妍、吳林峰，相信可以得到不同的化學反應。

呼應第一屆香港流行文化節的主題「傳承」，Patrick表示，「觀眾可能睇住前輩歌手大，樂手都係，例如可能彈奏方式會受前輩影響，呢啲都係傳承。」他希望藉着今次音樂上的碰撞造出驚喜，「畀人知道，原來香港嘅Pop都可以用到instrumentation去玩！」

戶外《聲．影馬拉松》
日期：2023年4月23日
時間：02:30pm – 08:00pm
第一部分：流行音樂會（02:30pm – 06:30pm）
第二部分：電影歌曲齊齊唱（06:30pm – 08:00pm）
地點：香港文化中心露天廣場Ｃ區
一起到現場享受音樂吧！

節目查詢: 2734 2960