亞洲最大規模藝展之一「ART021」首度落戶香港！

你以為藝博會一定就係入室內企定定、安安靜靜睇畫？咁你就錯啦！今次ART021 HONG KONG將藝術展覽項目帶到公共空間，喺在維多利亞公園中央草坪同埋藝穗會將會舉行「藝構之旅」，為大家呈獻來自7位內地同埋國際藝術家，合共10件雕塑作品，免費對外開放，希望為香港市民帶來「藝術融入日常」嘅新鮮體驗！

*藝構之旅 SCULPTURE*
三大精選雕塑作品：

🌟《看！我是畢卡索！》——陸平原

受《反斗奇兵》電影一幕，薯蛋頭被撞到眼耳口鼻散落一地啟發，陸平原混合薯蛋頭形象，從畢卡索立體派繪畫同埋雕塑形式出發，構思呢一系列打破常規嘅作品！

🌟《LOVE (Red Outside Violet Inside)》——Robert Indiana

相信大家對於呢個「LOVE」字雕塑都唔會陌生，印象最深刻嘅可能係喺台灣101同佢打過卡？呢個創作自美國雕塑家Robert Indiana嘅作品，用炫目嘅色彩同簡明語言展現愛嘅力量！今次喺呢個版本嘅《LOVE》首度喺香港展出，萬勿錯過！

🌟《芝士》——權五祥（Gwon Osang）

藝穗會本身係舊牛奶公司倉庫，呢個由韓國藝術家權五祥創作嘅芝士雕塑，將會放喺藝穗會天台展出，展示出呢個地方嘅豐富歷史魅力！

展出日期：8月28日 – 9月8日
地點：維多利亞公園及藝穗會

如果以上都滿足唔到你對藝術展覽渴求，咁你就唔可以錯過ART021 HONG KONG主博覽會以及一系列嘅精彩活動啦！

其餘重點推介：

🌟「玩兒」——劉建文（Michael Lau）

香港著名藝術家劉建文為今次藝展創作嘅AR擴增實境項目「玩兒」，源於佢對象形文字嘅興趣。喺佢心目中，玩代表嘅除咗係玩耍、玩具，更代表反覆接觸、體會、豐富生活嘅過程！今次呢個AR項目等公眾可以互動打卡，感受前所未有嘅藝術互動體驗！

🌟《Keihoum》——Alia Ahmad

沙特阿拉伯當代藝術家艾利亞．阿默作品首度來港！佢作品主要探討沙特身份建構、傳統文化同埋人類經驗嘅複雜性而見稱，喺海外獲一致好評。今次香港市民可以大飽眼福！

ART021 HONG KONG嘅主畫廊單元、藝拓現場同埋影像單元嘅門票已於Cityline開售，記得留意啦！

——————–

In ACOO, you can discover a dynamic lifestyle in #ACOOPick.