香港不只奧運代表隊取得佳績，港超球會亦在國際賽事中大打「爭氣波」。傑志在亞冠盃分組賽3勝2和1負11分踢出歷來香港球會最佳戰績，理文則在亞協盃以全勝姿態出線區際決賽，按道理應該值得慶賀。

2021年，本應是本港球會「交到功課」的一年，但平行時空下，港足的另一寒冬即將來臨。繼老牌球會愉園欠薪500萬及退出港超後，天水圍飛馬亦決定棄戰。下屆港超聯隊伍極可能只餘6隊，創下（最不光彩）紀錄。

當「千王之王2000」黃師傅在獄中玩三公贏了一間ATV被揶揄「蝕死你呀！」在香港搞足球又何嘗不是？當投資足球隊永遠只是「燒銀紙」；大學畢業踢職業足球月薪幾千至一萬蚊（假如有糧出），足總繼續無所建樹，香港人幾撐本地波，最後都只是杯水車薪。

Photo/ 傑志