【讚自己放唔臭嘅屁？】香港人，有幾耐無試過讚自己？聽 #黃言 學習打從心底欣賞自己

假如你近日有留意黃妍（@cathinwong）的instagram，或許會發現她正展開一場「#黃言讚讚U」行動，邀請大家稱讚身邊的好人好事。 華人社會的傳統，從小學習謙卑是美德，甚少把誇獎宣之於口。黃妍留意到，疫情時，大家「被困」香港，經歷了3年多沉澱；到世界逐漸復常，大家反而失焦、慌亂：「尤其當你有得去旅行，好開心好開心；但諗到要返香港嘅時候，嗰個失落指數去到好高。於是我就諗，點解呢？係唔係你只會focus喺生活環境一啲唔好嘅事？係唔係連自己有幾可愛都唔記得，或者留意唔到？」黃妍說，自己其實甚少稱讚自己，「但後來我發現，多啲稱讚自己，或者對自己有一份認同，係會令事情容易留意到，自己生活嘅地方，或者你自身，可能無你想像中咁差。」 That’s why「#黃言」這首歌就此誕生。 誇讚別人已經不容易，更何況表揚自己？我們請黃妍讚賞自己一件「最不獲世人認同」的事情，她笑說：「好無聊嘅嘢，我成日放屁，我會好直接同身邊嘅人講，我放咗個屁，但唔臭嘅！我覺得無乜所謂，我有勇氣承認呢樣嘢，都值得稱讚呀！又例如，我塊面好圓，要遮，雖然都會遮～但我好坦白承認，我塊面係圓㗎，我塊面係大㗎。呢個係可以承認，有呢個勇氣，我覺得係叻嘅！」 黃妍最喜歡的一句歌詞，是「歲月會有時無語/若能存在到目前/都應該紀念」，「呢句係好大嘅認同。我哋成日覺得自己唔夠厲害，但你真係退一百步嚟睇，你可以生活到依家，你有一定歲數，已經係一個本領，應該要欣賞自己」。 活着真的不容易，大家都好叻㗎，啾咪！ 文字：Heidi @heidi.is.strong 設計：Kayan @yipyn ——————– In ACOO, you can discover a dynamic lifestyle in #ACOOPick.