Follow us on social

Follow us on social

搜尋結果: #林家謙

表演場館內，燈光迅速熄滅，音樂轟炸，此時粉絲們馬上跟隨節拍揮舞手上的燈牌，忘我地大聲呼喊。滿場燈牌，彷如點點星光拱照台上。 若說歌手和粉絲的榮耀是一體的，那麼這份榮耀肯定少不了製作燈牌的人。麥光輝今年已經71歲，從上世紀8、90年代開始做燈牌，見證着歌迷們從追劉德華、到F4、飛輪海，再到MIRROR、林家謙⋯⋯當香港歌壇浩浩蕩蕩迎來另一新世紀，已經可以兩蚊搭車和攞生果金的麥光輝亦不甘於停留在舊時。從前大家用LED燈牌，現在他創作出可充電可換圖案的燈箱。他又自學電腦畫圖、laser cut，更是一個超in的網民：「你有無睇過香港做設計慘過食屎協會？畀100蚊又要畫又要改，到頭來成件事值幾多錢？」 麥師傅勞碌近一甲子，戲言自己常「生意失敗」，尚未發達，但也不願就此停下來。若然人生方向有些許迷惘，也許可以聽聽麥師傅的格言：「大家覺得追星就係要做最光嗰個，畀台上面嗰個人清晰見到自己。但（燈牌）太光唔一定睇到，清晰先可以睇到。」追星、做人，本質其實很似——我們未必需要做最光芒四射的人，只要認清自己心之所向，一切都總會被看見。 文字：Heidi @heidi.is.strong 攝影：Hiuyan @hyphotgrap 設計：Owen @wai.ho.98 ｜半輩子與光為伴 麥師傅80年代從事進出口玩具生意，並在大陸設廠，主要做燈籠、螢光棒等產品。有日，麥浚龍（Juno）的經理人知道他對燈光產品熟悉，特意登門造訪，「佢問我可唔可以整一塊板，整啲字喺上面，叫我試吓。」那時候他並沒有概念要怎樣做，誤打誤撞下，他把「J」字固定在亞加力膠板上，後來幾次再整，又成功多放幾個字上去。 那時候，香港還未有人專門做燈牌，「嗰時香港追星會用燈牌嘅人少之又少，佢哋一小部分人會用鐵絲網整，供電用水電，仲要搵架車推出去，好大陣仗。」後來，麥師傅的燈牌在追星一族中廣泛流傳，「最犀利係啊啤梨，葉文輝！嗰班粉絲好勁，要求我整一個四五呎高嘅燈牌，佢哋又會攞喇叭、查查（鈸）。」 及後，新加坡、馬來西亞、泰國粉絲紛至沓來。「我做唔到（大）量，但我做到有特色。例如泰國班粉絲，佢哋嘅燈牌又有象又有樹，畀人知道佢哋係泰國嚟嘅。」麥師傅執起一支以LED燈串組成的燈棒，原來這個也是他首創的產物，他驕傲道：「當年大陸啲人當我皇帝咁搶我啲貨。」而現在，LED燈泡亦早已普及，「你知唔知一盞呢啲LED燈，一開始賣幾多錢？199幾年，起初大陸有得賣嘅時候，25蚊一粒。依家？一毫子有十幾粒啦。」 ｜那些被忽略的心思 對着光的這些年，麥師傅深知其實光除了明亮，也會刺眼。他遂研發了「燈箱」，原理和街邊招牌一樣——一個白燈箱，以「尿袋」供電，外頭以鏤空有色膠片描繪圖案。燈箱光線柔和、更輕便之餘，更可以換膠片重用、改圖案。其後，他又想，如何可以把燈箱的用途增加？他又研發了可放入相機機頂位置的小燈箱，讓粉絲「飯拍」的時候吸引偶像的注意，「偶像見到燈箱，就等於望到鏡頭。」 以前做LED燈牌，麥師傅通常無需草圖，直接手造圖像字型再焊接；現在一切都go digital。麥師傅如常坐在電腦前，一個個按照日期及明星分門別類的檔案夾塞滿螢幕。單是一個張敬軒的file內，便已有幾十張訂單，每個都獨一無二，當中有不少讓非粉絲摸不著頭腦的slogan，例如「網癮中年張敬軒」、「七師傅老公」等。再看看MIRROR的檔案，除了人名，麥師傅更會親自畫圖，「最難係大家畀張圖，以為我就一定做到，但其實部機器係計線條，如果啲線唔連，都係要重新再畫一次。」 想要製作燈牌的客人會先WhatsApp麥師傅，麥師傅再按照需求設計畫圖，一塊燈牌三百多元，「畫個公仔都已經畫我一日。」如果麥師傅是年輕設計師，一切可能都是手辦眼見功夫，但對於年屆七旬的他，卻是一步一腳印走來的：「我全部都係自學。我小學都未畢業。我唔識機械，乜都唔識。我1993年買第一部電腦，嗰個人問我，你識唔識英文？我話唔識，佢話咁你唔好買啦，我一定學唔嚟。但我話我一定要買。」有時候那些追星妹妹會叫麥師傅「收貴啲啦」，事實上，他也會因為粉絲無理地不斷要求「改嘢」而感到不忿，看着電話的「奪命追魂message」，麥師傅淡淡然道：「呢個，遲啲先覆。」 ｜舉牌/做牌的原因 歌手、樂壇都有起有跌，麥師傅的職業生涯亦然。他笑言不懂把生意「發大嚟搞」，角色也很被動，「娛樂圈有週期性，全世界都係。有衰落都有興旺。」不過，一日有粉絲，似乎就會有燈牌的需求：「粉絲要燈牌，係想支持粒星。你如果就咁過去，無特別嘅嘢，你就唔會出位。追星嘅人都係想畀人知咁解。」 粉絲繼續高舉燈牌，是為了讓偶像得知支持者一直存在、一直陪伴。而麥師傅堅持做下去，只為保持年輕：「一個人如果唔做嘢，會變殭屍！」在娛樂圈中，他最欣賞的是79歲的尹光，「你見到佢嘅動作好靈活！你就係要保持呢個心態，佢呢個年紀仲會作曲、諗點樣氹人開心。如果只係諗享受，個腦唔用會生鏽㗎。」 看過這麼多瘋狂粉絲，伴隨着歌迷一起走的麥師傅有無追過星？「我欣賞自己多啲。」一生中未曾飛黃騰達的他，微笑地自信道。 In ACOO, you can see #ACOOPerson. #追星 #燈牌 #MIRROR…

ACOOPERSON   Mirror   劉德華   ...

林家謙周六晚在英國倫敦開騷，是他的首場海外演唱會。在異國看香港歌手的演唱會，那份重量不只是單純欣賞一場表演那麼簡單。在場館中，與身旁來自同個城市的人，感受來自家鄉的歌者分享撫慰人心的音樂，對異鄉漂泊的人來說，更是一種安慰。 林家謙上月推出《流離者的海》，以流離的人為主題，探討在流離的旅途中，該如何安頓好不安的心。「流離失所」一詞感覺悲慘負面。人的天性或多或少傾向追求安穩，當離開熟悉的家、穩定的生活，在充滿未知的海浪中漂流，總會令人不安，很想找個角落安頓自己。­ 異國生活不易。離開熟悉的家鄉，到陌生的國度闖蕩，走每步都是未知數，固然不安迷惘。身邊無親朋作伴，要自己一人面對生活的挑戰，更感孤寂。流離之感卻不一定只出現在異鄉人身上。你或許也有試過突然失去生活的重心的感覺，不論是工作上頓失方向，還是突然離開一段關係。脫離了固有的靠岸，霎時被流放到大海中，無安住之所，必然感到迷惘徬徨。 然面，流離是否必然等如悲慘？凡事都是一體兩面。漂泊可以是悲慘不安，但也可以是探索世界的機會。林家謙在歌中提出了另一個視覺去看「漂泊」這回事：人或許無須執著於找個安定之處，或者執著於捉緊讓自己心安的某種寄託。流離失所，才有機會在大海中漂泊，感受在湖泊睡覺是何感覺，才會發現，原來月色那麼美，蟬鳴如此悅耳，自由的空氣如此沁人心肺。 安定感固然使人心安，但換個角度看亦是個無形的框框。離開舒適圈，浪莽地闖蕩，也許會看得更多。旅途中會不安是必然的，因世上有太多無法控制的事，就如在廣闊的深海可能會遇到危險。然面，深海亦可以有壯闊景色，而你會遇到甚麼，你也控制不了。倒不如享受當下，讓大海帶你去不同地方，無軌跡的漂泊。他日回望時，就會見到自己的足印已走了很遠。 文：林三 @lam.three

ACOOMinute   林家謙   流離者的海   

香港人依家嘅生活困難有好多，想出去行下玩下又要計得掂「3+4」呢條數，出唔到去留番喺度要搵啲娛樂都唔係咁易，好似想買張正價飛入紅館睇騷都係難過登天，呢大半年嚟幾乎每一個流行音樂會都係一票難求，如果你無特別人脈幫到手，又唔識用軟件攻陷票務系統，基本上每一個門票開售日子都係受難日一樣，輕則「321、321、321」等足大半日，重則就連網站都入唔到，唔好以為就咁玩完，其實都只係無間地獄旅程嘅正式開始；廣大樂迷開始終日流連各大討論區同TG Group，瘋狂出Post求飛：「真歌迷自用」之聲此起彼落，同時又要Mon住有無善心人「原價加手續費轉讓」，過程中仲要避開諸如自己先落訂對方後潛水同假飛等等陷阱，一般嚟講好多人都係時間浪費咗、精神消磨咗，最終仍然係一無所得。 所以，能夠成功獲得一票在手，本身已經贏咗，如果撞到一個精彩豐富嘅演出製作，就更加係六合彩頭獎級嘅收穫；最近，唔少人都享有到呢種福氣：合共7場嘅《Summer Blues林家謙演唱會》上周日順利完成，為紅館騷帶嚟唔同突破，坊間反應普遍相當正面，唔少人睇完一場又想睇多一場，只係睇到一場嘅就難免覺得失落同唔夠喉。主人翁林家謙2019年正式以獨立唱作人身分出道，慢慢走入大眾嘅視線，短短三年時間就成功登頂走進香港流行樂壇神殿紅館，唱足七場四面台，到底有咩過人之處呢？ 唱作人嘅強項係可以一手包辦唱歌作樂，寫歌畀自己唱、畀人哋唱，以至自己再拎番別人的歌嚟唱，所以當開騷嘅時候，作品嘅選擇同維度可以好多好闊，變化亦大，今次《Summer Blues》都盡見呢個好處，既有林家謙自己嘅首本名曲、亦有佢為香港樂壇其他歌手創作嘅作品，所以就算如佢本人所講，出道三年累積嘅個人單曲唔係好多都好，整個製作喺歌曲嘅豐富同多元程度上，實在不成問題，佢同時將自己為其他同行創作嘅作品巧妙地擺放喺演唱會嘅不同部分，並且誠邀當中嘅知音同路人一齊分享呢個重要時空，於是乎佢嘅嘉賓環節並唔係純粹搵個Friend唱兩句間下場，畀主人翁抖抖氣換件衫咁簡單。 林家謙同團隊嘅心思遠遠唔只放喺嘉賓環節之上，而係見於成個《Summer Blues》嘅唔同方面，包括點樣用唔同嘅作品去闡述演唱會嘅主題「Summer Blues」，同時為咗貫徹主題「美麗回憶，記得就好」，佢唱完歌單上嘅最後一首歌之後，就算係終極尾場，亦都無再好似好多其他歌手咁遵從紅館傳統，換套便服出嚟唱多幾首先走，忠於自己想法，圓滿執行細節。

SUMMERBLUES   余拜仁   林家謙   

單曲循環的晚上，你在播放哪一首歌呢？ #林家謙 新作，由 #夕爺填詞的《某種老朋友》又有沒有令你的某種回憶湧上心頭呢？   每段關係都總有個限期，可能是情人、朋友，甚至家人。當每段關係來到終點時，很多人都會裝作沒事，努力過生活，認為時間是最好的解藥。不過回憶卻經常殺人一個措手不及，林家謙這首新歌《某種老朋友》以葉形容一段關係，又以葉在水上漂流的形態形容關係的變化，「能暫時懷念某種老朋友，不過未能共享一葉舟」、「一片葉無奈剛飄落背後，世上沒人能阻擋細水愛長流」。 新歌MV並沒有像林家謙其他歌曲一樣以劇為主，反而只有一片葉漂流在河面的動畫，令不少網民更加思考填詞林夕為甚麼要以葉來作為歌曲的主軸。歌曲只發布一天，已有超過廿萬觀看人次，亦隨即出現不少cover版本。林夕加上作曲澤日生，以及主唱林家謙這組合，你又喜歡嗎？

林夕   林家謙   某種老朋友