【我來自FHProductionHK】 日工作16小時 一年學會剪片 王嘉盈為效果、流量不怕捱罵搏盡付出：「總之我就係一個娛樂產品。」

「以前真係好冇目標，所有事都好fucked up（一團糟）。」穿着一整套dirty pink睡衣的嘉盈（Kaying），坐在滿佈攬枕的白色二人座沙發上緩緩說著。綜觀她的小天地，零零星星的生活用品、剛看過的社科書籍、待維修的烏克麗麗散亂一地，加上那牆上撕走海報後留下的Blu-Tack，一如她聽到問題後的每一句答案——毫不掩飾的率真：「21歲時，從來冇諗過之後會做咩，完全唔覺得需要去諗。」每個人也有過去，大多人回望時總會手下留情，給自己辯解「只是個孩子」，但她真的很像一個瘋狂的露體狂。 直至遇上熊仔頭，他對夢想的熱情感染了嘉盈、對朋友的義氣幫助也感動了她，讓她成為了「FHProduction的嘉盈」：「我發現條路仲好闊，有好多可以追嘅嘢，而且有朋友一齊跑呢條路。」由躲在熊仔頭身後，默默看着他剪輯《乒乓》，到現在能獨力完成一條30分鐘的影片剪輯，處理當中800多個特效，也能為頻道度橋拍新節目。鍵盤戰士們，還在拘泥於攻擊其「MK」的過去嗎？ 未來是甚麼，夢想是甚麼，誰在乎呀？只要努力直奔向它，就會找到答案。不用擔心、也不需要懷疑自己，因為 ——「無人話你唔得，係你自己話自己唔得。萬一，你真係得呢？」 文：Hoiyan (@seamouse_hoiyan) 攝：Freya Ting (@freyazzing) 反轉你朋友：王嘉盈 「我叫王嘉盈，冇英文名。」她解釋，還未找到一個適合自己的名字，而理想名字的尾音上揚，「有人話Daisy都幾啱我，因為呢個名聽起嚟好嘈，但我覺得唔啱我。」想了解嘉盈，網上大把資料，還需要浪費時間看這些嗎？「我是98年出生，雙魚座的。」她笑言，因為ViuTV節目的誤會，讓很多人以為自己是00後，即使連維基百科也如此寫下，道聽途說實在很容易讓人變成「怪物」呢！ 因為最近喜歡Kuromi和Melody，讓嘉盈愛上了粉紅色和紫色，想必她也是一個滿腦子粉紅泡泡的夢幻女孩吧？「我鍾意睇近代史或歷史書，又或者睇真人真事改編，因為我鍾意真實嘅嘢，所以唔鍾意言情小說。」黑膠碟機上，就放了一本中國近代史的書籍，着實顛覆了她的形象。「由女童院開始培養閱讀習慣，嗰度啲書都係鄭梓靈，我都一般般。」雖然如此，現實如牢籠般沒趣，小說卻奇幻得叫人驚喜，「我跌咗入書，世界立即變得天馬行空，幻想力真係好重要。」 嘉盈有話兒 青少年時期的經歷，像強力膠一般把嘉盈身上的標籤牢牢貼緊，像MK、女童院、黑社會男朋友、先達、粗口等。面對這些，她聲線依舊爽朗道：「事實係我冇讀過大學，讀書唔夠多，所以呢啲標籤係真。」對於過去，嘉盈坦言一定錯過了一些事物，但也不要緊，因為自己的部分經歷也是別人錯過的，唯外界聲音不斷攻擊，她只能以自嘲來幽一默為自己解套。嘴巴說不介意，心底想當然也有所不甘，她不禁說：「如果我唔係幕前，我唔讀書去擔泥，人哋一定覺得我好上進；但我冇讀書，可以喺螢幕上閃閃發亮咁笑，嗰啲人就會開始諗『你憑咩』。」下意識地，她會惦算能力，像是校園分享或學術活動，都是其擋於門外的工作。 面對冷言冷語，社會歷練讓嘉盈學會保護自己，更何況讓人感覺心機重重的娛樂圈，「《九品芝麻官》話，做奸官要奸，做清官更加要奸，對狗人就要用狗招。」曾有藝人對她說，難道你不怕得罪我，以後便沒有演出機會嗎？好漢不吃眼前虧，嘉盈心知無法還擊，便把內心的委屈寫在臉上，讓旁人意會自己正被欺負，「我唔會因為呢個世界多壞人，就做一個冇咁好嘅人，但絕對唔會做一個蝕底嘅好人。」 我在FHProductionHK的日子 時間面前，人人平等，嘉盈的每個24小時也要求過得自律，她說：「性交係天生慾望，一個男人見到一個剝晒衫嘅女人，都冇選擇去砌佢，就贏在可以對抗到慾望，習慣對抗慾望，人生會順利好多，已經冇咩可以動搖到你。」每天，睡去6小時，工作16小時，才不是懶惰，「咁樣好似好殘忍，但其實做呢行憑咩要有生活，尤其我哋唔係大公司，唔好諗可以休息。」讓她體驗到「勤力」二字的，正是其亦師亦友的熊仔頭，「佢一個人可以頂到三個人，佢唔喺度等於冇咗三個人，所以我都要勤力好多。」從開始時，按劇本對白說話，到後來想出《拍一日拖》節目，擲下一星期30萬觀看次數的目標，結果一星期已有30多40萬，現在已累積至百多萬次，她嘴角不明顯的上彎：「開始對自己有少少追求，但都唔多。」 在FHProducutionHK 10週年（2022年2月）推出《乒乓》YouTube電影前，熊仔頭受情緒影響，曾離開過FHProduction一段時間，「我嬲撚到仆街，亦都好傷心，好似冇咗個朋友咁。」對於嘉盈而言，熊仔頭的賞識、雪中送炭，在公在私也對她影響甚深，「佢係全世界知得我最多秘密嘅人。」看到好友的夢想和心血轉化成壓力，甚至不得不逃離喘息，嘉盈腦中冒出「學剪片」的念頭，便說：「不如我陪你剪片。」剪片桌後有一張供大家休息的床，嘉盈躺在床上看着熊仔頭把一段一段素材剪接成故事，偶然睡着，醒來那個背影依舊坐在電腦前，「嗒嗒」聲在夜裏不曾停下來，「佢熄晒全房啲燈，剩返屏幕嘅光，依家諗返，可能因為我要瞓覺。」他的努力、信念，感染了嘉盈，「希望可以繼承佢少少嘢，因為世界多啲佢咁嘅人會更加美好，我試下copy少少咁啦。」 憑着「唔會睇唔起冇能力但勤力嘅人，只會笑柒佢哋」的想法，嘉盈只花了一年時間，雖然叫着「剪撚到仆街」，但一條30幾分鐘800多個特效的vlog，已難不到她；甚至，《反轉你朋友》、《交換餐單》等頻道節目也是她的主意。「FH係佢嘅心血，所以我都係守護佢嘅心血，如果佢嘅心血係其他嘢，我都會盡力幫忙。」她希望能與他一起扶持走得更遠，或許是完成製作一部喜劇片，或許是其他目標，但他若不離，她便不棄 —— 「我知你得㗎喎，你係未得返啫。」 我的努力 既是為了守護熊仔頭的心血，也為了證明自己的能力，嘉盈從去年11月至今也不曾休息，「真係富者越富、貧者越貧，做得越好就會越好，第一步一定要努力先。」與戲劇相比，綜藝節目讓嘉盈感覺更手到拿來，只要看一看流程內容，便大概知道自己能提供甚麼效果、做甚麼能有意想不到的加分效果，這時候只需要燒聖木或鼠尾草，消除內心的負能量：「因為觀眾可以感受到自己能量，最大嘅功課就係要準備一個好嘅能量，佢哋睇嘅心情都會變好，呢個都係人哋睇我片開心嘅秘訣。」亦有不少網民認識，嘉盈真的很嘈，「我唔係想用幫自己伸冤嘅語氣講，但有時如果我唔講嘢真係冇嘢剪，剪過我片嘅人應該都明嗰刻嘅輸出係為咗咩。」 以效果、結果行先，她完全不計較被罵，「尤其FH啲片，為咗流量，我會叫佢哋thumbnail揀啲最賤格嘅，影到我大髀，緊係要埋個大髀。」續言，她用瞭然一切的語氣得意道：「我好清楚大家鍾意咩，總之我就係一個娛樂產品。」總之，有人看到她的努力，就已經令她足夠開心。 對於不擅長的演戲，嘉盈甚至報讀了戲劇課，「對我嚟講係一個壓力，每次入課室之前都要深呼吸，唔知點解每次上堂都會emo。」雖然曾有人說，她只是未開竅，但她偶然也會質疑自己是否沒有天分，「我希望有一日，去到片場都可以好似做主持咁自信。」 誠實面對自己，是人生中最難的其中一課。在這個不友善、戰火連連的世界，嘉盈最美好的應是有一顆澄靜透徹的心，相信着美好的人性，面對黑暗也毫不猶疑的反擊，黑白分明是與非。曾經身上的標籤，已失去讓人傷心的效力，「我唔想再畀呢啲無謂、唔知邊到嚟嘅價值觀綁架，一開始係有啲唔開心，但依家已經同自己和解咗。」可能她無法與你分享微積分或莎士比亞，但生活的假面具若令你累了，不妨試試看嘉盈的赤裸上陣來闖關？ 《KAYING’s…