【感受香港音樂】香港音樂需要乜？　資深樂評人袁智聰：「健全發展，需要持續性」

除罩之後，大型音樂活動陸續舉行，除了Clockenflap，還有西九文化區（西九）x HKT舉行的HKT西九音樂節。首屆流行音樂節POPFEST，無獨有偶，都是走音樂聯乘、跨媒介，呈現多元香港流行音樂文化的路線。在網上聽歌極容易，音樂創作和發布門檻都降低的今天，才華橫溢的音樂人湧現，但，如何才能讓這幾年的百花齊放，不至於曇花一現？我們向資深樂評人袁智聰提出了這個問題 —— 香港音樂需要乜？ 商業與持續性的永恆戰爭 「香港音樂，需要更多新嘅聲音，更加需要新嘅地方。」袁智聰以一句說話總結。他表示，近年新進音樂人越來越多，社交平台為他們提供了大量曝光機會，整個樂壇要再進一步，就需要實體表演場地，「場地香港不嬲都唔夠，尤其嚟緊會有好多外國音樂人嚟表演，九展又重建。」 文化層面方面，當加入商業考慮之後，香港往往少有具持續性的音樂節目及音樂雜誌，這與香港整個文化底蘊未夠深厚有關，「一個樂壇嘅健全發展，需要持續性。」 回想西九過去有關流行文化的搞作：2012年出現的「自由野」，每年一度在西九草地上以開放空間形式，讓不同藝術家表演互動，再演化成之後的「自由約」，定期舉行，再有留白Livehouse一星期幾晚的小型現場音樂演出，「其實已經同緊啲樂手crossover。」袁智聰認為，這正是西九與其他舉辦文化藝術活動的單位不同的地方。 這種形式的活動，並不賺錢，更需要有場地支援，一般商業機構難以推展，「西九唔係純粹當一盤生意去搞，有佢哋自己機構嘅理念，當然亦都就係阿龔（龔志成，著名音樂人，現為西九當代表演藝術主管）咁多年做緊嘅嘢。」 延續由聯乘擦出的火花 提到crossover，近年香港音樂界內，聯乘演出的確變多了，有別於過去傳統主流媒體舉行、邀請不同歌手合作的「聯乘音樂會」，近年的聯乘演出串連了不同位置，「歌手加樂手，咁先collaborate到，多啲新合作，多啲音樂上嘅火花，以前嗰啲，我會形容係同場共演。」袁智聰說。 如果想更臻完美，聯乘演出之後更可以推出音樂作品和相關產品，「crossover唔係只做一場show，我更加expect佢哋（音樂人）可以走埋一齊去做歌。以前好多show連live album都冇出過，有啲浪費。」他補充。 不過對比外國，香港這類聯乘演出顯得較為被動，一般需要由中間人推動和促成，這與整體的市場情況和業界習慣有關，「外國音樂人係自己嚟料，可能因為外國做音樂方式比較自主。」 策展大型香港音樂博覽會 袁智聰表示，當西九以策展人身份策劃不同活動的時候，亦可以得到不一樣的效果。例如今次兩周合共十天的節目，POPFEST將創作歌手、新晉偶像、樂隊組合和其他音樂人、音樂總監串連，「curate一啲兩邊都會有chemistry發生嘅活動，令聽開pop嘅人去聽吓其他嘢。」 承接上面的「西九唔係純粹當生意去搞」，POPFEST並非所有活動都要收費，例如即將在「M+夜不同」舉行的「的士高之夜」，和在藝術公園大草坪、海濱草坪東面及留白Livehouse舉行的逾35場演出，均費用全免。「今次嘅POPFEST對我嚟講，就係一個大型香港音樂博覽會。」 視覺享受的士高文化 「的士高」之夜貫徹西九M+「視覺文化博物館」特色，以空間佈置、燈光和投射影像等視覺元素，將光庭變成舞池，並邀請現場DJ把經典廣東歌曲重新混音，將風靡一時的disco呈現眼前。 袁智聰分享，disco文化與香港共渡了一個黃金時期，「視覺上最signature一定係啲燈，我嗰陣都拉抆邊可以去蒲。」有別於之後的「蒲」，80年代disco是靚人潮人集中地，又會有Noon-D（午間開放時間），「未夠秤都可以入去」，更是外語歌曝光plug歌的絕佳場所，「你會喺舞池上面見到陳百強跳緊舞，佢唔會喺VIP房唔出嚟，呢啲先係當時傳奇嘅畫面！」 一個機會・新的體驗 說到最後，袁智聰笑着說：「具體啲講，去大型音樂活動就好似食咗一場自助餐，只要你保持開放態度，去認識、吸收、嘗試，咁你就會多得着。」至於得着多寡，「我就唔敢講，你可能得到一個好驚艷嘅餐飲體驗，都不排除好多人係去打吓卡，但至少係一個機會，令你去愛上一種新嘅嘢。」 他說，同類活動例如Clockenflap都有同樣效果。POPFEST的不同之處，他再笑笑：「呢場自助餐有啲位，唔使錢已經可以食到，可能海陸空都齊晒畀你！」 — 香港最大型室內外流行音樂節 HKT西九音樂節 詳情留意 wk.org.hk/popfest