國民老婆有鋪癮利是儲埋齋睇唔用竟揭發「試當真」有成員派冇餡利是博大霧！？

361

國民老婆有鋪癮利是儲埋齋睇唔用竟揭發「試當真」有成員派冇餡利是博大霧！？

撰文：ACOO

14-05-2022

娛樂圈裏總是充滿謠言和誤解，這名無公害的試當真「國民老婆」也不能獨善其身。陷入失意之時，她卻在一堆陳年利是封中尋找到逃出晦暗力量。

想睇多啲呢位「國民老婆」嘅故事去藝文青 IG@asartisticasyou 啦！

【公開試當真】由YouTube系列《EA EXAM》變大銀幕紀錄片許賢、贊師父以電影紀錄香港人成長必經之惡反思人生的愛與責任

艷陽夏日伴隨吵耳不斷的蟬鳴，就知又差不多到放榜日。激起YouTube頻道「試當真」的許賢，拍片紀錄滕毅康溫書（頻道節目《校花校草》的參加者），甚至自己重赴試場的念頭，是緣於前年12月，許賢屢次關心當年要考DSE的阿康的溫書進度，但「皇帝唔急太監急」，換回來的卻是阿康的輕挑回應，例如「今日去迪士尼係溫緊……溫度！今日係地理。」就是這樣，整個備考過程，直至放榜的每個重要時刻，都一一收錄在梁奕豪（贊師父）導演的《EA EXAM》系列10條影片中。時隔近一年，小螢幕變成大銀幕，團隊把故事剪成電影版《公開試當真》，焦點從應屆考生懵懵懂懂面對公開試，變成畢業若干年、且每年都會創作與公開試相關影片的許賢，在重考過程中探索內心的執着。再次面對公開試，許賢終於認可了當年被自我否定的自己：「原來以前自己都真係一個幾努力嘅人，唔考多次，我唔知當年A Level嘅自己都幾叻，有啲努力未必係for依家，而係10幾年後先會肯定。」電影中的許賢，也是每個曾經參與公開試的我們。你還記得公開試那年的日子嗎？放榜後是懊惱後悔、不甘不忿抑或滿意釋懷？記憶可能已模糊，緊張焦慮的感覺也變得陌生，但公開試留下的，已不知不覺成為一道不可磨滅的烙印。許賢、贊師父和各位畢業生，請根據考生編號找到你的座位，今天的考核科目是 —— 在成長的洗禮下蛻變成怎樣的人。開始作答！文字：Hoiyan @seamouse_hoiyan 攝影：Andrew @andrew_bangchan 設計：Owen @wai.ho.98 ｜一切皆始於足球公開考試的最大功能是方便人才篩選，許賢笑說營運公司也需要，而他的方法則是透過觀察。在今天的網絡世界，許賢是眾所周知的「港足打手」，而贊師父則是一個已運作了10年的專頁，「足球說故事」的版主。他們當年的相遇既可說是志同道合，也可說是識英雄重英雄。2016年，許賢在屯門良景，拍攝了一個關於他中同放棄踢港隊的故事，「我拍完就好proud of自己，proud of到就係我大膽DM問可唔可以幫我share，你足球page嚟㗎嘛！」相隔6年，已成立試當真的許賢一直心心念念想拍足球紀錄片，此時便想起贊師父。隨着有記者工作經驗的贊師父加入，他們先後拍了不同紀錄片系列，如《試睇世界盃》、試當真足球隊年半成長記的《廢柴足球傳》和《EA EXAM》。意想不到的是能脫穎而出成為電影的，並非他們最愛的足球，「公開試係我哋每個人都經歷過，都係過來人，講緊唔係年輕一代，係我哋父母都可能經歷過，呢樣嘢就好值得令每個人都知。」足球片相比起來就「小眾」得多。｜拍攝意外二三事大約七個月的紀錄，雖是走零Plan拍住先的策略，幸運的是大部分嘉賓和場地也能配合。不過，說起意外，現場立即一片哀號，贊師父更是立刻倒抽一口氣再脫口而出：「哇！仆街！」許賢接着揭開隱藏的幕後故事。「本身諗住系列嘅大結局係搵杜Sir做訪問，因為佢冇考公開試，但一樣有咁大成就。」他便開始想方法接近杜琪峰，而最後定案正是一路走來始終如一的足球：「我知佢有隊足球隊，我有朋友喺嗰度踢，就問可唔可以叫埋我，咁就去咗踢。」看似順利，卻處處危機。球賽當天，杜琪峰踢中後場，許賢踢右閘位，「我有兩個問題，就係中堅出咗去標波，我冇埋去補佢個位。第二個唔順利係人哋個中場傳波去我身後，我追唔到。」先後兩個失誤，讓他被杜琪峰點名開罵：「點解係咁輸呢個人㗎？錯撚晒嘅？」說罷，在場的人隨即哄堂大笑，許賢靦腆說：「佢嗰下係好純粹嬲你屎波，佢唔識你，大家真係以波論波。」最後杜琪峰以時間配合不了拒絕拍攝，試當真成員之一、亦是電影監製之一的文Sir笑說：「有啲似電視劇主角要靠考驗去打動啲大人物，但佢失敗咗。」錯有錯着，後來由許賢媽媽補上位置，而他們的對話反而翻出許賢對公開試的真正心魔。此外，製作上的風波也不小，贊師父紀錄阿康放榜後的情緒時，相機突然故障，許賢說：「阿康喊緊，死咗機之後就到佢（贊）想喊。」許賢同時模彷阿康輕拍贊師父，並安慰道：「冇事嘅冇事嘅，唔好喊！」贊師父心有餘悸：「紀錄片嘅嘢拍咗就有，拍唔到就冇，好難叫佢再做返，但最後阿康都好好再接受我訪問，都叫救得到。」｜關於讀書和考試這件事開拍《EA EXAM》，除了紀錄阿康溫書，許賢還想透過拍攝重新「浸返落」讀書環境：「嗰陣拍片拍到好攰，如果可以有人拍我，然後我剩係畀心機溫書，就係我嗰陣想做嘅嘢。」所以許賢便決定伴讀，同時報考了中文和經濟科，和阿康一起補習、溫書和操卷。相隔10年多，再次拾起課本的許賢甚是享受，他笑說看範文《師說》時，彷如與千年前的人出現精神交流，「我get到韓愈係鬧緊啲人不思進取，唔好咁迂腐，細過你嘅人都可以向佢學習。千幾年前嘅人已經會寫篇文批評人，我都會喺IG出post鬧身邊同事又唔學嘢。」學習的本質是充滿樂趣，而考試正是強效滅火器，能把所有興致通通撲熄。當許賢正享受與古人思想交流時，卻發現大把範文需要背誦，還要在短時間練就「藍色窗簾」的特異功能，他說話的音量不禁稍稍放大：「呢啲位就唔enjoy喇。」這些時候，許賢就開始想辦法逃脫，「溫溫下會想整片，就行出去睇下贊sir、阿熹（電影剪接）剪成點，其實純粹唔想溫書。去到（影片）有位要我落決定，咁我就會返去溫書。」｜讀書叻不再是唯一出路？那麼，和阿康一起臨急抱佛腳的許賢，以及一直在鏡頭後觀察的贊師父，拍攝過程又有否勾起過往的惡夢？「我透過阿康去睇返自己當年點解會有一個不愉快嘅中學生涯。」中學的贊師父強項不在讀書，喜歡運動的他，當年跑步速度可是學校裏數一數二的快，甚至有代表學校出賽奪獎，但有一段時間的他十分自卑，甚至會隱藏自己對運動的愛，「老師唔覺係咩一回事，真係問我『你讀書點解唔可以好似跑步咁快』、『可唔可以將你嘅精力擺喺讀書上面』。」鏡頭一轉，阿康和當年的他一樣，也是一個擅於運動而讀書略遜的學生，但師長的態度卻是天淵之別，贊師父說：「啲老師勁鍾意佢，甚至覺得佢係學校之光，好似讀書唔叻唔緊要，最緊要你搵到方向。但我嗰個年代，會覺得你發展呢啲嘢係旁門左道，要讀到書先得。」以結果論而言，許賢這次再參與考試，意外地得到一個和自己和解的機會。「勾返起呢啲俾份卷定義咗自己嘅唔開心，以前真係好、好、好、好唔開心。」當年放榜分數不及預期，無法讓他考入中大神科「環球商業學」，最後入讀變成理大會計，他坦言從未釋懷：「去到Year2，多咗個新目標想轉行，令我唔得閒去諗之前啲嘢，但係都好容易覺得自己低分過人好蠢，點解我會唔識。」不同的是，現在的他學會嘗試放自己一條生路，「識得同自己對話，識得同自己講唔識咪溫囉，完啦許賢！」｜在惡意下茁壯所有努力，最後只會變成躺在成績表上的冰冷數字，定義學生人生18年成敗。「（公開試）邪惡嘅原因係，好似我當年中文作文係唔合格，即使我依家能力好好，但個分數已經冇得改變，話你聽你當年係差㗎。」對於贊父師而言，當年的成績表已不代表甚麼，但他還是能感受到它的「惡意」。資訊爆炸年代，條條大路通羅馬，其實不用再考公開試了吧？許賢並不同意，更說若將來有子女，也希望他能參與一場公開試，他分享林溢欣的話：「唔係你啱唔啱讀書嘅問題，而係你有冇盡過力嘅問題，公開試係畀個機會你盡力一次。」贊師父也很是認同：「機會多咗，唔代表佢嘅重要性低咗，好似阿康都係經歷完個試，先睇到自己努力嘅模樣。」A Level或DSE，都是莘莘學子在人生路上第一個面對的重要關卡，贊師父續言：「未必影響你一生要揀邊條路，但經歷完呢個分水嶺之後，會清楚自己用咩態度去處理件事，係心態上成長嘅一部分。」｜現實和理想之間的選擇經歷拍攝重重考驗，拍得的310分鐘的片段，先後剪成10集的YouTube片，135分鐘的試映片，最終成為90分鐘的《公開試當真》。堅持要剪成90分鐘，是為了方便戲院排片，也可排到更多場次，許賢說：「拍紀錄片本身都要adapt好多現實考量，呢個都係囉，好似中文作文考試都要個半鐘內寫好，要接受呢個限制。」正如人生，很多事情也需要妥協。贊師父自言是「超級唔鍾意做啲唔鍾意做嘅嘢」的人，大學時在H&M打工已深切體會，工作了兩星期便有了辭職念頭，但家人希望他能體驗生活，只好繼續頂硬上：「好記得要企fitting room，但冇人嚟，然後我攞咗張紙嚟諗自己嘅作品，我要寫咩故仔。」這樣的堅持延續至今，加入試當真前的他是新聞攝記，月薪只有15K，但他從沒後悔選擇，「一定有心理關口，同學搵嘅人工可能係我2至3倍，甚至交往另一半嘅時候都係，有少少覺得錢銀係一個好重要嘅位。」尤其香港錢字行頭，但他是這樣說服自己的：「搵錢呢樣嘢好死，點都會搵到，係多定少㗎啫，但係有意義或者自己做得開心嘅嘢係難搵好多，有錢都未必搵到。」至於許賢，雖然他與拍擋蘇致豪在CAPTV 時期已累積不少支持者，在二人獨闖時期「金鋼Crew」的影片都有不錯的觀看次數，但每月盈利只得2000元，他只好決定放棄拍片：「接受唔到自己keep住畀唔到家用，有家用畀阿媽等佢生活舒服啲係做仔嘅責任，可能係行業未成熟，未必完全係我問題。」後來，他寫了一部電視劇，又感覺很挫敗，兜兜轉轉在拍檔游學修的邀請下，才決定再給自己一個機會，成立「試當真」再拍片。即使現在能盡情享受拍片的快樂，但他直言也有不少讓步，像出片量、質素也受到時限影響，「平衡個位係……唔好將個作品放到最大，同埋譬如我係比較容易有拖延嘅人，就要搵啲比較唔會拖延嘅人一齊合作，人有唔同特質，要搵一啲睇落好似有相沖特質嘅人，互相制衡。」｜邊行邊搵未來路放榜的日子也在倒數，但人生的事總是突如其來的無法預計，倒不如試試電影製作團隊的心態——拍住先！許賢說，過往的頻道都是YouTube和IG並行去拍，他思考：「會唔會有一個方法係可以電影同YouTube並行去拍呢？我嘅目標，係搵出一個拍電影嘅新模式。」先試試看，不行的話便會知道此路不通。追夢之旅一路起起跌跌，二人皆認為切忌在情緒風暴時下決定，許賢說：「希望考生有一個唔使樂觀、唔使悲觀，係達觀去接受高分、接受低分。」放榜來臨前，找時間靜心坐下來，用一個最理性的自己去想像並寫下成績出現落差時的應對方法，「情緒太唔開心，會落唔到好決定，差嘅決定會引發其他唔好嘅情緒，然後會有個loop。」然而，打破這個輪迴，只能相信情緒穩定的自己，許賢以堅定的聲音說：「要信！要信！嗰個都係你自己嚟。」 In ACOO, you can see #ACOOPerson.

ACOOPERSON DSE EA EXAM ...

【那些年討厭的聖誕節】一見聖誕燈飾就發火　韋羅莎自白父親離世　靠劇作揉走傷痛

【那些年討厭的聖誕節】在最近話題之作《最後禮物》中，韋羅莎飾演着黃子華角色的阿根廷混血太太，舞台上一句「會令兩兄弟打交嗰啲就唔叫禮物，叫大整蠱」深入民心。而現實中，她亦曾經收過父親贈送的一件哈佛大學衛衣，保存至今30多年。韋羅莎小時候曾有個出國留學夢，其父親得悉後，特意趁出國時候順道買了一堆哈佛大學的紀念品。 // 自我懂事，爸爸已同我講：「我同你有嘅時間唔長，要好好珍惜」。 // 家裏本着重過聖誕節，但在父親離世後，她一看到聖誕燈飾便忍不住流淚，又煩躁不安。她知道，自己欠缺一個情緒發洩的出口，但不知道如何尋找這個出口。 // 爸爸離開咗之後頭兩年聖誕，我係覺得，有咩咁好慶祝啫！ // 後來，韋羅莎所在的劇場辦了一個劇本投稿活動，她鉅細無遺地描寫着父親離世的一刻。但到排練的時候，她發現自己根本不能抽離。她於是找來一個生死治療師。治療期間，她在畫紙上揮筆塗滿黑色後，再嘗試擦走顏料，雖然抹走少許黑色，但與此同時畫紙亦被揉破了。 //我要咁用力整走佢嘅時候，我會一定會傷，而冇需要。// 直到現在，每逢冬天換季，韋羅莎仍會把這件衛衣拿出，「咦？仲着到喎，OK喎！」。光陰荏苒，韋羅莎再不是當年的韋羅莎，唯一不變的是，這件衣服依然讓她感覺到，爸爸一直在陪伴着自己。 //千祈唔好force自己要自己去處理到呢個情緒。因為係仲傷㗎！// 無名・事 — 沒有矯情，沒有造作，來自不同領域的「神秘嘉賓」，訴說不為人知的「物語」，背後的故事，原來最真摯⋯⋯ 免費訂閱ACOO，獲取最新資訊：http://bit.ly/subscribe_ACOO

哈佛大學最後禮物無名事 ...