今年係文學泰斗金庸嘅百年誕辰。佢嘅武俠世界除了陪伴數個年代嘅男男女女渡過「蛀書蟲」嘅青蔥歲月，更係不朽嘅經典。「為國為民，俠之大者」出自《神鵰俠侶》郭靖對楊過嘅一番寄語。呢句除咗係金庸先生筆下衆多英雄豪傑嘅真實寫照，亦是佢哋内心嘅執著追求。

嚟緊為咗紀念金庸嘅百年誕辰，將會有《俠之大者 — 金庸百年誕辰紀念》活動讓市民參與，其中包括：

1️⃣俠之大者 — 金庸百年誕辰紀念 · 江湖盛滙｜📍愛丁堡廣場｜2024年3月15日 – 7月2日

以《射鵰英雄傳》為設計靈感嘅蒙古包登陸中環，場內將還原武俠小說的情景佈置及經典服裝造型，仲有多個AR打卡位，為大家帶來沉浸式體驗！

另外，亦會舉辦多項主題文藝互動體驗，例如閱讀分享會、寫生工作坊、攝影比賽、鋼琴演奏會等等，與民同樂！

2️⃣俠之大者 — 金庸百年誕辰紀念 · 任哲雕塑展｜📍香港文化博物館｜2024年3月16日 – 10月7日

著名雕塑藝術家任哲嘅雕塑作品以雄渾剛勁聞名。文化博物館將會帶來多個佢創作嘅金庸經典人物雕塑包括《神鵰俠侶》嘅楊過與小龍女、《射鵰英雄傳》嘅郭靖與黃蓉。雕塑手稿、捲軸、泥稿等等都同場展出，金庸迷嘅你，絕不能錯過！

除咗呢兩個大型展覽，喺唔同嘅旅遊同文化地標都將會展出栩栩如生嘅金庸角色雕塑！

金庸筆下角色陪伴大家成長，記得把握機會，一齊投入金庸武俠奇幻殿堂！

In ACOO, you can discover a dynamic lifestyle in #ACOOPick.