汽水，你細細就飲過？可口可樂、忌廉、七喜飲得多，本土出品的屈臣氏汽水，你又飲過嗎？曾經風靡一時的 Super Cola「哥喇」汽水、Lemonate「白檸」汽水在 80 年代停產， 事隔 40 年，近日再度推出市面，還保留了以前經典的紅白及綠白包裝，令不少人大嘆兒時回憶再現。

「哥喇」是屈臣氏在 50 年代首款推出的汽水，味道類似可口可樂，以「夠氣、夠味」作賣點，而且當年只售 3 毫子一支，比可口可樂平 1 毫子，足足 25%，被稱為「平民版可樂」，深受廣大市民歡迎。直到 70、80 年代，「哥喇」風靡香港，屈臣氏再推出橙汁、忌廉和檸檬梳打，統稱為「屈臣氏汽水」。不過隨經濟起飛，愈來愈多外國品牌進軍香港，市面選擇多了，屈臣氏汽水日漸息微，也在 80 年代消失於貨架上。

如今「哥喇」、「白檸」再度登場，270 毫升的玻璃樽裝 $18 一支、330 毫升罐裝就4罐$20 ，你又會想試一試嗎？