假的真不了，真的假不了，幼稚園和小學生是否又無得返學傳了幾天，特首林鄭月娥早上一錘定音，宣布星期五開始，幼稚園及小學暫停面授課堂，直至農曆新年假後，中學暫時不受影響，照常上課。雖然家長教師都有了心理準備，但消息一出，不少家長谷都「媽聲四起」。

有女兒讀K3的家長不忿「為何可以除罩出街飲茶跳舞唱K，但唔俾戴罩返半日學」。也有家長表示，「細路打晒科興，學校都係換氣不合格😤 係為谷針開關，定係為細路健康先」。而身兼教師的家長就更加激動「作為家長嘅我，又要喺屋企癲過；雙職家長嘅小朋友，喺屋企上網課，等於冇王管，一邊上堂一邊睇YouTube；作為老師嘅我，又要為課程改一大輪，學生上網課根本就心不在焉，最大問題係，唔見得而家個疫情係需要去到停課」。而最殺到埋身的是今個星期的考試安排，「阿囡原本今個星期三開始考試，宜加都唔知點搞，好煩」。

家長煩惱，至於學生，是悲是喜？有家長話小朋友聽到消息很不開心，「佢哋鍾意返學多啲，因為喺屋企冇得同同學玩，即係冇咗社交，同埋網課根本就學得唔好」。香港人似乎不僅喜歡返工，還喜歡返學，大家要撐住呀。