【你願意給本土魚生一個機會嗎？】港產90後壽司師傅 立志帶香港魚上Omakase大枱：「香港海鮮值得更好嘅對待。」」

談及香港魚，你可能想到老媽子成日蒸的紅衫魚、地盤佬最愛的豉汁鯇魚，或是飲宴的石斑。若然我告訴你，香港魚也可以做魚生，上到高貴的omakase大枱，你願意嘗試嗎？ 在壽司師傅Zinc（@zinc_lhs）的眼中，這卻不是遙遠的痴想。他跟隨壽司界「傳奇人物」森智昭（Mori San）學師，十年磨一劍。在有資格獨當一面後，他回想起小時候跟媽媽到西貢買海鮮，那股清新鹹香，提醒了他香港海鮮是有潛力的。現在，他每個早上都會與買手合作，購入即日捕捉的港水魚，用活締方式宰殺，放入當晚omakase的菜色中。在他心目中，香港的魚也「值得」，「香港海鮮值得更好嘅對待。」 香港魚市場給人感覺或許是骯髒的，偶爾參雜着一些「呃秤」負評，Zinc的願景是希望香港也有一個像日本豐洲一樣的中央魚市場。你相信香港可以做到嗎？悄悄告訴你，邁向成功的第一步，是記得想像。 文字：Heidi @heidi.is.strong 攝影：Andrew @andrew_bangchan 設計：Kayan @yipyn ｜「海鮮好可愛」 Zinc從小便愛吃，喜歡煮飯。住在坑口的他間中會跟隨家人到出名多海鮮的西貢買餸。耳濡目染之下，他漸漸覺得海鮮很「可愛」，「細細個屋企每次整魚，我都會食到無晒肉，將啲骨砌翻好，整返做標本。覺得好玩又好食。」他甚至記得自己第一次食海鮮，是在西貢一家叫「全記」的餐廳吃東風螺，「啲殼好似仲喺度」。 中學畢業後，他到廚藝學校進修兩年，及後到兩間意大利餐廳工作。當落場時間同事們在休息，他卻會默默在手機看日本達人宰魚的影片。對日本菜有濃烈興趣的他在2019年經朋友轉介下，得到了一個機會，轉到壽司達人Mori San門下學習，精進廚藝。 漸漸，Zinc開始了解何謂「Omakase」：「Omakase，就係客人同廚師建立咗關係。例如，你去用QR code落單嗰啲餐廳，行入去，叫完食完就無喇；你食咗十幾年嘅餐廳，就係你行入去，你會有一種好熟悉嘅感覺，佢哋已經知道我要乜，推介我食乜。呢個我覺得就已經類似Omakase。廚師發辦就係，交畀我啦。」   ｜赤鱲、瀨尿蝦、黃花入饌 2023年初，Zinc開始打理自己的Omakase餐廳，有關香港魚的狂想再次在腦海浮現。去年3、4月，他認識了熱愛推廣本地海產的海鮮供應商 Davey Wong（大飛）。大飛每天為Zinc與香港不同地區的漁民溝通入貨。而Zinc每日就好像開「盲盒」一樣，挑選當日早上漁夫們捕捉的漁獲，再速遞到位於筲箕灣的餐廳。為確保海鮮能夠以最佳味道及品質，Zinc又以「活締」處理漁獲（備註）。烹調成本因而提高，但Zinc解釋：「啲人以為條魚唔靚，其實係處理方法唔好。我好想將呢啲處理方法帶返嚟香港。我覺得香港嘅魚係非常之好，但好多時候街市處理漁獲選擇不多，我想做一啲唔同嘅處理。」 Zinc的菜單，曾經出現過的港水魚包括紅斑、石蚌、花頭梅、海狼、黃腳鱲、石頭魚、馬友、黃花魚等。港水魚與日式壽司，看似風馬牛不相及，但Zinc解釋，例如香港人常聽的「赤鱲」，就是日本人口中的「真鯛」、「黃魚」即「小肌」。換個名字，好像覺得在日本餐廳出現這些魚，頓時合理了。除了以港水魚製一般魚生及熟成魚生，他還會用香港製造的食材炮製omakase內的熱食、湯料理，例如煮瀨尿蝦等等。 ｜香港魚絕對唔輸蝕！ 目前，Zinc主要在晚市Omakase上供應港水魚料理，約佔整個餐的三分一。坊間有人認為香港水域不夠好，對於生吃香港漁獲抱質疑。Zinc回應道：「香港捕魚有分東西水域，西水就近珠江口。我一般都係東水魚，水質好、雜味小啲。」 在食客用膳時，只要用到港水魚，上菜時助手會揭開《#香港街市海魚圖鑑》，讓客人了解該魚的特性。有食客嘗鮮後說：「唔好期待會有食拖羅、海膽嗰種油脂或者厚重嘅感覺，各種魚本身味道較淡，但又不失鮮味。睇到有啲聽過個名嘅魚，喺omakase整法下用另一種型態出現，感覺驚艷又幾新鮮。」訪問當天，Zinc預備了赤鱲、石蚌刺身及熟成花頭梅給記者品嚐，第一感覺是有別於三文魚、吞拿魚，港魚有濃厚的魚肉香味，而且很有嚼勁。 Zinc介紹說，赤鱲來自南丫島、花頭梅則來自蒲台島，為了做到「即日釣、即日屠宰、即日serve」，他堅持只購入香港水域的魚，「我自己盡量用香港水域內嘅魚。例如市面上都買到東星斑，唔係話佢唔靚，但對我而言唔係香港魚。我想多用香港本地嘅魚。香港魚甚至某方面比日本魚絕對唔輸蝕，尤其魚本身嘅肉味，會比較濃。但處理方面，我哋要跟得上日本嘅水平。但我希望會有更多人認識港水魚，食到質素好嘅港水魚。」 ｜那個遙遠的夢 Zinc有一個宏大的夢想，盼香港能有一日有一個像豐洲市場一樣的中央魚市場：「我認識嘅香港漁民，比較少一兩人作業，因為未必可以賺錢。如果大家撈到好魚，唔需要賤賣，有中央市場攞貨拍賣，漁民收入得到保證、魚質素得到保證，係一件好好嘅事。」年僅26歲的他，腦海中此時閃過一個美麗的畫面。 （備註：活締意思是「仍活着時就終結生命」，方法是將活魚麻痹，再放去血液的方式屠宰魚類。活締的原理是把魚的死亡時間快速減少，讓魚的肉質、味道均保持在最佳質感。） In…