【三色豆達人】做whiskey pairing、整豆漿 三色豆推廣大使誓打破「劣食」之名：「聽落好可怕嘅嘢，其實都唔一定咁伏。」

三色豆，說它是最多人討厭的食材絕不為過。Facebook 上的美食關注組，大至 buffet、牛扒，小至燒賣、奶蓋，甚至開心果，通通都有屬於他們的忠實擁躉。唯獨三色豆，網路上不僅呼聲不高，甚至有「反三色豆，反劣食大聯盟」FB 專頁。 不過，有人卻立志以「導」人食三色豆為使命。這位不願具名的三色豆推廣大使@drinking_mixedveggies（下稱大使），以神農嚐百草的姿態試勻市面三色豆品牌、用三色豆配 whiskey 做 wine pairing、整三色豆 cocktail、攪拌做豆漿（利申：沒有任何一粒三色豆被浪費），研究讓它變得好吃的方法。 網友留言：「大佬你唔好咁痴線啦」，大使做的一切卻只為高興，告訴大家「聽落好可怕嘅嘢，其實都唔一定係咁伏」。一成不變的人生太苦悶，玩咁大也不需賦予甚麼名目。這個世代做自己不容易，敢於成為小眾更需要勇氣。這個故事未必講到甚麼大意義，但如果能夠shock到你，讓你莞爾一笑，他的目標也就達到了。 文字：Heidi @heidi.is.strong 攝影：hct 設計：Owen @wai.ho.98 ┃節儉≠隨便 不少人聽到三色豆大名便已退避三舍。去年三月連麥當勞都決定把早餐扭扭粉中的三色豆換成純粟米。大使對此不以為然，他對三色豆的第一印象，也是源於通粉上的三色豆，「茶餐廳通粉總會有，小學嗰陣第一次食已經唔覺得特別難食」。 十多年前，大使一人到英國讀碩士，一年學費連住宿大約折合港幣三十多萬。百物騰貴，自煮是唯一出路：「外國嘅好處就係如果你自己煮就可以好平。嗰邊天氣凍，我又唔食肉，所以就主要買急凍蔬菜：三色豆，一公斤只需一英鎊，可以食到好多餐」，加上其他急凍蔬菜、袋裝意粉、意粉醬，計算下來，每餐 10 元港幣都不用，「其實都唔差呀。青豆、粟米同蘿蔔，三樣嘢一咬落去有咁多豐富嘅口感，好似咬好多唔同嘅嘢，感覺幾好」。習慣成自然，回港後他亦繼續平均每星期 4、5 餐飯吃三色豆。 這樣的煮食配搭，聽起來毫不吸引，但大使對於用甚麼品牌的三色豆來煮食卻很講究：「大陸出產牌子嘅味道普遍比較淡。例如特惠牌 Meadows 嘅產地係中國，但佢蘿蔔唔係甘筍，係煲湯紅蘿蔔。佢質感比較軟，透身。」至於部份日本牌子就不是用青豆，而是用豆角。打開他的雪櫃，已有 3 個牌子的三色豆。大使至今嘗過起碼 6 款品牌，於他而言，價錢是主要比較因素，例如…