搜尋結果: #模型
OASIS｜余拜仁：高達與你同行
香港嘅出入境政策終於終於都復常，加上節日氣氛又正急速醞釀中，而且唔少港人都屈住太耐太耐，於是近日Facebook、IG所見，唔少人都前後腳「返咗鄉下」—去咗日本旅行，甚至短短幾個星期已經去完再去；話說11月初都快閃遊咗一轉日本橫濱，為嘅係參加當地一年一度嘅表演藝術會議Yokohama International Performing Arts Meeting 2022 (YPAM2022)，跟番貼亞洲區內演藝業界嘅脈搏，同嚟自區內區外行家交流對話，但喺重溫呢件國際盛事嘅所見所聞之前，有一單意外驚喜係要搶閘拎出嚟分享先。 話說橫濱唔算係好主流嘅旅遊熱點，就算旅客會去都未必會留太長時間，甚至Day trip往返東京或者其他城市就算，然而橫濱當然都有佢自身嘅特色同魅力，其中近期一個令人不得不留意嘅就係「橫濱（移動）高達基地」，基本上當大家喺Google搜尋「橫濱」，頭一二三個熱門結果已經係呢個項目；本身其實並唔係高達迷，都無任何特殊情意結，本住嘅係「橫濱好似無咩景點，有咪睇下」嘅到此一遊心態，橫濱市中心唔算好大，基地位於海旁，由於高達身高本身就高達六層樓，只要抬頭一望，自然就會搵到。 一入場撞正「移動高達」嘅光影匯演，拿拿聲舉機影相拍片，可能平日Marvel向嘅電影實在睇得太多，由世界各地打到不同宇宙，人魔神等三界、五行、六道通通都打成一片，「震撼感」同我都開始漸行漸遠，眼見呢座昂藏18公尺嘅高達接連做出大小不同動作，都僅僅係有種「都唔錯」嘅反應；正當懷疑緊呢個高達橫濱基地旅程「咁就完咗㗎喇？」之際，曙光就出現咗—一入場就受到光影匯演所牽引，忽略咗入口旁邊原來有個故事館，深入淺出講番成個「移動高達」項目嘅心路歷程。 第一幅展板已經開宗明義講到：就算以日本依家擁有嘅科技水平，要令呢個Size嘅機械人郁得到，都絕對唔係容易嘅事，零件裝嵌、機電工程、程式編寫等等，牽涉幾多軟件硬件專家、耗費幾多心血時間精神，係要傾盡全國之力先有今時今日成果，至此我先赫然發現剛才果種「都唔錯」係好錯，係幾咁有眼不識泰山；除咗技術層面解構，故事館仲承載住一代又一代日本人對高達嘅深厚感情，包括從孩提時代開始睇住高達成長，至入學時決意修讀相關學科嘅工程人員，或者由細到大一屋都係高達模型，到今日有份一手一腳砌成呢座1:1實物原大（仲要識郁）機動戰士嘅台前幕後，聽住佢哋不無激動嘅分享，充份感受到追尋夢想賦予咗人類嘅重大力量。 當聽到「移動高達」呢個項目概念，當然有人興奮莫名、期待至極，同時有人不明所以、疑問連連：點解要令高達識郁？「世上仍然有好多事被視為『無可能』，係咪？我哋唔係要將『可能』嘅事做完又做，而係要做前所未有嘅嘗試，咁樣至係『挑戰』。」喺後疫情嘅時代，整個世界都變咗好多，做人處世出現咗有好多新嘅挑戰， 「移動高達」團隊呢種「不可能而能之」嘅信念，絕對值得借用嚟互勉一番，支持住大家繼續一齊行。
【小積木 大意義】 LEGO員工自發砌磁力共振掃描室模型 讓醫護向小孩講解流程 減輕治療焦慮
換上病人袍，走進冷冰冰的磁力共振（MRI) 掃描室，平卧在圓筒型的檢查儀器中十多分鐘，甚至一小時，成人都會感到不安，遑論小朋友。一副LEGO MRI掃描室模型，或許能減輕他們的憂慮。 模型由兩個部分組成，一部分是MRI檢查儀器，一個掛著笑臉的小朋友準備接受掃描；另一邊就有一名醫護人員在隔壁操控儀器和觀察情況。而整個MRI模型都能打開，看到內部結構。 這個構思，是由LEGO員工 Erik Ullerlund Staehr想出來的，他希望模型能協助醫護人員為需要接受MRI掃描的小朋友做準備 – 向孩子解釋儀器的內部結構和檢查流程，減輕他們的焦慮，令整個體驗沒有那麼可怕。 LEGO 官方表示，模型不會成為商品公開發售，但會由世界各地的LEGO員工製造，再捐贈予當地的醫院。
【最後的故事】 遺物整理師重現「孤獨死」場景 微縮模型記錄最後時光
「是孤獨還是失望還是被世界折磨⋯⋯」現實可能比歌詞更加殘酷，日本一位遺物整理師自學製作微縮模型，把「孤獨死」的真實場景呈現到你眼前，用遺物訴說每位先人的最後故事。 說的是遺物整理師小島美羽，她自22歲起從事遺物整理及打掃的工作，過程中她會找出值得回憶的物件加以分類，再交給家屬作為紀念。小島美羽在為這些「凶宅」進行大掃除的同時，看到了很多「孤獨死」人士的生活慘況，於是萌生以微縮模型重現孤獨死現場的想法。「我利用眼影之類的化妝用品，仔細地還原了房屋的污漬」。她連房間內的寵物、垃圾、塵埃也以不同材料仔細拼湊出來，為的就是把死者的生前故事融入每一個微縮模型當中。 小島美羽以文字編寫經歷，出版《或許，我就這樣一個人走了》一書，希望人們明白死亡離自己並非很遠，應多加珍惜及留意身邊的人。趁還有機會，記得好好珍惜眼前人！
【永續模型大法】 日本Bandai回收模型膠框減污染 盼每年收5百噸再造新高達模型
由零開始砌成一個模型後，除了有滿滿的成功感，剩下的還有一大堆組件膠框。有出產高達、幪面超人模型的日本大型玩具商 Bandai Namco 發現，單單是出產高達模型所耗塑膠物料已多達 7,000 噸，當中用完即棄的模型組件膠框就佔了約 2,000 噸。為了減少塑膠廢料污染環境，日本 Bandai 宣布將在日本全國設立 190 個回收站，收集玩家棄置的膠框，並與化工集團 PS Japan Corp 合作，利用化學方法，再把膠框廢料轉化成高質素的塑膠原材料，再用作製造新的高達模型產品。Bandai 預計，今年可以收集約 10 噸塑膠廢料，未來期望可以每年收集到 500 噸，「與 fans 共創可持續發展社會。」 這個回收計劃目前只在日本推行，但如果香港的模型迷想為環保出一分力也有辦法。早前有高達迷在 Facebook 群組分享，把組件膠框拿到綠在區區回收，每公斤塑膠可儲 10 分，之後便可換領食物、飲品、油、米等不同的禮物。雖然膠框無法再變出高達，但總算沒有浪費，砌模型都可以砌出環保社會！ Photo/…