【與紅色高跟鞋的緣份】00後「哥迷」因張國榮打開新世界　鍾情經典明星不老餅　「過咗廿年，哥哥價值並未消逝」

這些年，「後榮迷」已經成為文化現象，意思是張國榮離世後，「哥迷」數目依然不斷增加。「WindOfLeslie」版主Ellie是一個標準的「後榮迷」。2004年出生的她，可說是「人肉哥哥資料機」。日前與她一起參觀在香港文化博物館舉辦的「繼續寵愛・張國榮紀念展」，凡是與張國榮有關的，她都能滔滔不絕。而最令她情迷的正是展覽其中一項精選展品 — Leslie的那雙紅色高跟鞋。 現年18歲的Ellie，小時候聽着爸爸播80年代廣東歌，張國榮、梅艷芳、羅文，「唔同歌星都有，最深印象係哥哥嘅《風繼續吹》同《不羈的風》。」音樂讓她認識了張國榮，而真正愛上哥哥，是早年參觀一個與性別流動有關的展覽，看到了一雙哥哥曾穿着綵排的紅色高跟鞋，剎那感受到那種打破性別框框的中性魅力，「番去再搵番啲電影嚟睇，好似《霸王別姬》同《春光乍洩》，了解咗唔同舞台形象意念，咁就覺得『wow！』打開咗新世界。」 來自張國榮的文化啟蒙 今次的「繼續寵愛・張國榮紀念展」，精選展品除了曾經和哥哥一起踏上《跨越97》演唱會舞台的紅色高跟鞋，還有他在《熱・情演唱會》穿過的貝殼裙褲。回想過去接觸到張國榮的這些形象時，Ellie直言：「對我來講係一個文化啟蒙，唔會喺學校學到，唔會同你講男人可以着裙。」她補充，「唔係一啲淨係喺電視機，淨係喺街上面睇到嘅嘢，而且二十年後望番都唔會好老土，呢個人好犀利！」 隨着對哥哥的不斷了解，Ellie越來越被他吸引。例如他歌影視生涯前、中期，略帶反叛的氣質，「嗰陣文化圈流行白馬王子形象，咁偏偏佢出現，有人話佢係東方占士甸，我覺得係幾有意思，好代表到嗰個年代，多元萌芽嘅階段。」當然亦有他為人津津樂道的性格，「佢係好感恩嘅人，無時無刻都好錫fans，好少聽到張國榮壞話。」 喜歡張國榮就是要dig deep into it 作為其中一位「後榮迷」，Ellie表示家人從沒反對自己喜歡張國榮，反倒是一些朋友會覺得她有點奇怪，例如，有人會覺得她鍾情80年代的明星：「嘩，好老餅！」也有人會問：「點解你會鍾意一個過咗身嘅人？」 「張國榮過咗（身）廿年之後，大家都仲去celebrate（讚頌）佢，咁佢係有存在嘅價值。」Ellie舉例：「我哋依家睇緊嘅好多哲學理論，好多好犀利嘅人，佢哋死咗好耐，我哋依家重睇緊，證明有啲嘢，佢需要存在，或者有存在嘅價值。」 而作為生於2023年香港的「後榮迷」，身邊免不了有男團粉絲。Ellie表示，喜歡一位已離世的明星，「唯一唔同係，唔似追偶像，有新歌，有廣告活動，有演唱會，可以一齊參與。」她補充，「個感覺，唔係去keep住啲嘢好新，而係要喺一堆現有嘅嘢，dig deep into it，個process係向下去挖掘，多過你要跟住artist schedule去做啲咩。」 製造了解和欣賞的契機 Ellie認為，張國榮的前衛和藝術成就，讓他的價值並未因時間而流逝。她說，年輕人對一些經典事物不感興趣，並非覺得老土，反而更多情況是欠缺一個契機，去了解該些事物的價值，「呢啲嘢唔再新，好難有新聞，好難突然上YouTube熱門，就算突然間有首新歌，我哋都唔會見到張國榮重新出來喺個台演繹首歌。」除了把一些資料數碼化，希望透過互聯網令更多人認識張國榮，也希望能為哥哥策展，「張國榮涉獵過嘅嘢太多，好似今次展覽咁，可以親身見到佢嘅衫、唱片封套，咁係最實在！」 對話尾聲，問了Ellie一個問題： 「如果有機會向哥哥講一句說話，你會講乜？」 她說： 「你做緊嘅嘢係好犀利好厲害，請你繼續去鍾意你自己，去做呢啲咁有價值嘅事」   你又會對哥哥說些甚麼呢？