【塵封的記憶】從城市到鄉郊 走過逾100個廢墟 「我城光影」攝影師Jo在廢墟中尋找香港歷史

香港地少人多，但在鬧市的廢墟卻是「總有一個喺左近」，銅鑼灣時代廣場附近、九龍塘住宅區、九龍城重建區都有，本地廢墟攝影「我城光影」版主Jo（下簡稱J）說：「只係大家有無細心留意周圍嘅環境，會唔會見到其實原來隔離就有一座大廈無人住。」廢墟，在一段或長或短的時間裏失去人類生活氣息的地方，既是被遺棄，也是被遺忘。在這裏，只剩下一片頹垣，還有甚麼值得人們關心？「我哋會搵到好多文件、前人嘅相，甚至由本身屋企嘅建築，由內到外咁了解佢哋接觸過嘅文化、感受過嘅歷史，認識返以前嘅人，從而認識更加多嘅香港，其實變相係一個反思。」 在人們摘去鮮花，尚未種出新大廈前，一起走進那個時間被凍結的世界，看看那些隨時間洪流被遺失掉，卻是值得我們懷緬的回憶和歷史。 文字：Hoiyan @seamouse_hoiyan 攝影：Andrew @andrew_bangchan、Jo@我城光影 設計：Owen @wai.ho.98 ｜靜止的空間與時間 本職是地盤測量的J，原來的他對廢墟是零興趣，喜歡攝影但又不至於需要一部專業相機，他笑言：「從來都無呢個方向去做。」多年前，公司指派他參與一個在皇后山的項目，在路邊、小山丘上的建築，都留下英軍的生活痕跡 — 士多、營房和印度廟，這是J與廢墟的初接觸：「人哋話齋『入咗結界』，好似置身喺個靜止咗嘅時間空間，入面啲嘢係冇變過。」一個小念頭就在此時悄悄萌芽，這一行就像坐上時光機回到過去，J說：「之後再喺其他project見到就拆嘅地方，就開始真係有心去做記錄。」 八年的廢墟攝影，把J帶到香港的不同角落，「如果當建築群係一個，過100個（廢墟）都有。」 ｜日與夜 進入廢墟的方法有很多種，但J和隊友堅持不使用工具爆門硬闖，「入到就入，入唔到就算。」每次探廢前，他們都會先做資料蒐集了解背景，再實地勘查找出路線；同時為了拍到廢墟的韻味，而非不寒而慄的靈異感，捕捉自然光最美的時刻也是功課之一，J說：「係光與影，黑與白嘅分別。」 另一天的早上，J和隊友去一間被居民當作康樂室使用的健康院，J如常和隊友巡樓，每經過一扇門也會嘗試扭開門把，卻都無功而返。在隊友們幾乎決定要放棄時，J決定：「再試多次一隻門！」語畢便走向門並扭門把，「喀」一聲沒原因地成功開門，他們便徑自進內拍攝，「當係鬼神都唔出奇，可能佢都想畀我哋做記錄。」J亦曾在一間音樂室外聽到中阮彈奏聲，他形容聲音像在腦海中出現，而非從耳朵聽到：「鬼神周圍都有，都唔剩係廢墟先有，想話畀大家知唔係咁恐怖嘅事。」 太陽下山後，又是另一段故事，J和隊友到屬於私人業權的葵浦女童院，J解釋不同以往早上出動，而是改為入夜的原因：「有啲地方要夜晚先方便，同埋都唔會麻煩到業權持有者，令到大家方便同舒服。」進入建築後，他們便到處拍攝，直至最後在燈光較微弱的位置，J用了閃光燈作補光，按下快門後便立即驚動了保安，「佢喺樓下啪咗個總掣，全座樓開晒燈，我哋就知大鑊，黃咗喇！」保安便慢慢的沿着圓形設計的樓梯拾級而上，雙方見面時J馬上道歉並解釋：「佢都見我哋真係拎住相機，唔係嚟搞事，同埋我哋都有悔意，就叫我哋執完嘢好走。」 ｜被遺忘的…… 能排除萬難進入廢墟，J和隊友也會很開心，他說：「唔係咁簡單，功課做得足唔等於你入到，天時地利人、騷擾唔到人，甚至發掘到意料以外遺留落嚟嘅嘢，我哋會覺得係不枉此行。」曾經，他們在某間屋內看到一張「中環蘭香閣茶餐廳」的餐單，上面的電話號碼只有5個數字，才發現這是香港第一間茶餐廳，J分享：「之前只有冰室，因為佢有返咁上下規模，就用返西餐廳嘅『餐廳』，夾埋中式食譜，改名做茶餐廳。」 (由受訪者提供) 又一次，J和隊友到一幢拆卸在即的荒廢舊樓做記錄。在某單位的一個櫃桶深處，他們發現了一個錦盒，打開後才發現是一個由英女皇二世頒發的英勇勳章，最後被隊友帶走了，J說：「清場嘅人見唔到或者覺得唔值錢就會掉，對認識香港歷史嘅人嚟講係好可惜，佢打算喺一個日子就交畀博物館。」 其實在絕大部份情況下，為免惹起爭議和破壞其他同好的體驗，他們不會擅自取走廢墟物品，以及在完成拍照後，把所有物品回復原來位置和狀態，對於偶有破例的情況，J思考後說：「有啲拆緊或者好快就拆，入面有好多好有價值嘅嘢，唔攞就會變成堆填區嘅廢物，呢段時間攞唔攞……我就保持一個開放答案。」 ｜留住屬於我們的痕跡 不論是在城市或鄉郊，J走過逾百個廢墟，但要說他最喜歡的，莫過於被評為三級歷史建築的皇后山軍營印度廟。那裏對於J來說，除了是廢攝的開始，也承載了他的人生大事，「當年我太太好想去，我就帶咗佢去，順便求埋婚。」今非昔比，印度廟雖然沒有被禁止前往，但從屋苑通往的路已加鎖，若要一睹這座獨特的建築，則要動動腦袋，換個路線和方法了。同時，疫情時期很多人被迫留港，只能在這個小地方尋找新玩意，這段時間也有不少人開始探廢，卻沒有好好的珍惜和尊重廢墟，熱鬧過後留下滿地垃圾，或是隨意帶走物品，讓業主不得不封場。 面對廢墟數量漸少，J笑言只能走多步，四處探尋，繼續用照片記下有歷史故事的景物：「我哋唔可以好似卜卜齋，拎本書要你讀。」如果用一啲有美感嘅相吸引你眼球，令你發覺原來以前香港係咁，以前香港人係咁生活，想深入知多啲可以去圖書館睇返。」一步一腳印，這座城市和人們就是這樣走來，成就今天的我們，J說：「這些痕跡和歷史是值得香港人擁有。」 In ACOO, you can see…