【NFT無疆界】 Elon Musk將NFT球鞋著上腳？英國虛擬時尚品牌RTFKT爆紅 - ACOO

838

【NFT無疆界】 Elon Musk將NFT球鞋著上腳？英國虛擬時尚品牌RTFKT爆紅

撰文：ACOO

22-10-2021

Tesla執行長馬斯克(Elon Musk)在社交平台的一舉一動都會輕易牽動投資市場，更不時炒起不同概念股。不過今次他加持的不是比特幣、而是一對從來不存在的球鞋？！

說的是被馬斯克「穿」紅的虛擬球鞋Cyber Sneaker。這對球鞋以 Tesla 概念車 Cybertruck 為設計靈感，看似用金屬製成的球鞋設計具現代感。當網友四處打聽對鞋哪裏有售時，不好意思，馬斯克並沒有實際「穿上」這雙鞋，照片是由NFT虛擬時尚品牌RTFKT Studios後製而成。經馬斯克「加持」後，「波鞋」聲量暴漲，價格也持續飆升，目前官網上的售價超過12.4萬美元，折合約96萬港元。投到又點穿起它呢？買家可以透過社交平台如 IG 及 SnapChat 的 AR 技術「穿」上這雙球鞋，再出post分享。

RTFKT 更與電子遊戲品牌 Atari 合作，推出一系列 NFT球鞋，在時裝市場有價有市，成為新潮流。RTFKT 主要從事虛擬產品設計及銷售，所設計的數碼產品會定期在網上拍賣 NFT。近百萬一雙的球鞋，你會願意買來投資嗎？

ElonMusk NFT RTFKT

【余拜仁】：寫在NFT熱潮退卻之前

呢排全球投資市場都係哀鴻遍野，傳統嘅各地股票似有進入熊市嘅徵兆，新興嘅虛擬貨幣（Cryptocurrency）以至與此關係密切嘅數碼商品，例如NFT（Non-Fungible Token）等等，都係全面報跌，甚至令人擔心係咪有機會跌入死亡螺旋（Death spiral），當中比特幣（Bitcoin）一度下試3萬美元重要關口，NFT嘅市場甚至更早出現熱潮退卻跡象，其交易量較高峰期大跌超過9成；姑勿論讀者係一直搵緊長遠資產增值工具，希望用嚟準備移民或者退休，定還是本身對數碼金融同埋文化藝術深感興趣，NFT呢類科技產物都係位於世界發展嘅中心，識多少少似乎都係有備無患嘅，問題反而係有咩方法、有咩渠道呢？喺當代社會中，有嘢唔識唔明，最快最易當然係求助於Google大神，甚至Wiki小神，不過呢，Cryptocurrency又好、NFT也好，背後都係牽連住一大批專業術語（Terminology），包括區塊鏈（Blockchain）、分散式帳本（Distributed Ledger），相對於NFT，又有FT（Fungible Token；同質化代幣），睇下睇下都如墮五里霧中；與其閱讀文字，或者睇下實物仲易跨過入場門檻：K11 Musea依家就搞緊一個名為《Metavision》嘅NFT藝術作品展，展出超過30個創作單位嘅超過200件展品，包括被譽為NFT神童、年僅8歲已經活躍創作嘅Arthus Ng（香港），以及多位本身早已譽滿國際嘅藝術家，包括Joan Cornella（西班牙）同村上隆（日本）等等，展覽嘅宗旨就係讓所有人都有機會盡情探索被譽為Web 3.0嘅元宇宙。熟悉文化藝術或者消費購物嘅讀者，或多或少都會知道，K11本身係一個商業機構，同時又會經常做普及藝術嘅工作，由於佢有趣嘅雙重身分，旗下項目提供到不同於正規美術館同博物館嘅體驗，例如後者嘅策展講求專業研究同文化脈絡，以NFT一個咁新鮮咁前沿嘅領域，若要出現喺傳統藝術殿堂，可能仍須經過一輪學術驗證，K11則可以填補到呢一個位置、發揮到另一種功能，喺一個普羅大眾都可以去到嘅場域，呈現大家都可能好奇同關注嘅藝術作品；以作品佈局嚟講，《Metavision》亦都有別於一般展覽，展品往往集中喺個別展廳，觀眾需要專誠入去全心睇嘢，今次嘅作品係藏身喺K11 Musea唔同樓層，於是觀眾一邊行緊商場食嘢買嘢、一邊遇上唔同作者嘅作品，包括比較純粹嘅藝術創作、非常流行嘅Profile Picture等等。散落式嘅策展有佢嘅好處，觀眾可以隨時、隨意、隨心搵嘢去睇，啱睇就留，唔啱就走，同時都有機會唔夠滿足，覺得缺乏觀展嘅脈絡，如是者，觀眾都可以考慮參加專屬導賞，以一個較為宏觀嘅角度切入《Metavision》，留意番名額非常有限，同時仲有多場多媒體演出同工作坊，教大家整下NFT數碼頭像等等，有興趣就自己出少少力上網搵下資料，整個展期去到6月19號（到時唔知啲Bitcoin升番未？）。 K11 Musea依家就搞緊一個名為《Metavision》嘅NFT藝術作品展，作品係藏身喺唔同樓層，於是觀眾一邊行緊商場食嘢買嘢、一邊遇上唔同作者嘅作品，包括比較純粹嘅藝術創作、非常流行嘅Profile Picture等等。

K11 MUSEA Metavision NFT

【Locker Kayan9896都撐】老是常出現Bunny Warriors大有來頭港產NFT 5分鐘即售罄

要數今年最大潛力的市場，NFT一定榜上有名，不過原來香港也有出版具本地特色的NFT，更獲不少名人加持？！2022年緊貼潮流，ACOO盤點三隻Made in HK的NFT！第一隻就是人氣爆登的Monkey Kingdom (MK)，獲Mirror成員Ian加持，一度把MK的圖像轉成個人IG icon，引起熱議。MK是受《西遊記》故事所啟發的香港NFT，背景故事是孫悟空為了不被唐三藏馴服使出分身術，化為2222個NFT分身，而每款NFT都擁有獨一無二的代幣及圖案。不要少看這些圖像，他們價值不菲，平均一款MK售價為55.42SOL，折合港元超過6萬。第二隻同樣香港製造、在IG「老是常出現」的就是Bunny Warriors，追捧的包括試當真成員Locker及Kayan9896。Bunny Warriors是以Pixel製成的兔子圖案，比較可愛，也十分受歡迎，開售5分鐘即售罄。故事講述一班兔子吃飯時被狐狸追殺，其中一位兔子Bunny Boss帶領其他兔子反抗，組成Bunny Warriors，一共有6666個NFT，同樣每隻兔子也是獨一無二的。價錢則比較平實，每款0.88SOL、即大約1100港元。第三隻Shroomstopia與以上兩隻NFT不一樣。現時最流行的NFT大多是動物如兔子及貓等，但Shroomstopia就反其道而行，以蘑菇為主打。同樣由香港團隊製作的Shroomstopia今天開賣，鑄造3888個NFT，價錢是0.8 SOL，即$1060港元。雖然NFT熱潮未減退，但也有網民認為港產NFT與元宇宙產品未能接軌，根本不值一文，等明星效應減退後便會一無所值。部分人則認為是炒賣的好機會，潛值無可估算。不論如何，投資涉及風險，大家一定要謹慎了解不同NFT產品呀！

Bunnywarriors monkeykingdom NFT