昨晚，承着杭州亞運四強的勢頭，昨晚有10259位球迷到香港大球場，支持香港足球代表隊於「#2026世界盃暨2027亞洲盃聯合外圍賽第一圈」的首場賽事。港隊最終亦不負眾望，以4：0大勝不丹，讓球迷不斷高唱「We are the Hong Kong Boys」及呼叫「We are Hong Kong」等口號，球員在賽事結束後立即走近球迷打氣區，一同比着打氣手勢回應球迷，見證着這裏所有人也是港隊一員，缺一不可。

入場支持港足，球迷有各自的原因。你又因為甚麼原因入場？香港足球對你而言，又有甚麼意義？

｜你和港足的關係
「今次係世界盃嘅qualifying match，好重要，一定要帶個仔入嚟睇！」球迷Julian說，他的兒子Jaden今次已是第3次入場看港隊比賽，Julian續言：「我哋係香港人，梗係要嚟撐港隊！」

「香港人入場支持香港隊係應有之義，希望有生之年見到香港隊打世界盃決賽週。」入場支持港隊對於球迷香先生是責任，也是義務，更有着心靈上的安慰。

「今次係第一次帶仔仔入場睇波，想一齊支持香港隊！」球迷Jerry也是帶着年幼的兒子入場，實行從小開始荼毒兒子。

「做得香港人梗係要撐返香港隊，呢個係我哋嘅使命！」球迷Matthew與朋友一起舉着寫上「香港」的旗幟。

「想將看台文化宣揚出去，畀更多人睇到我哋係支持港隊嘅聲音。」球迷組織「波台黐線佬」萌芽於2015年11月17日的港足大戰，在2017年正式成立組織。每場港隊比賽，他們總是不厭其煩的把大聲公、鼓帶進球場，為的只是讓氣氛更好，也更容易凝聚球迷一起打氣。走過8個年頭，他們的目標依然不變：「港隊代表住我哋地區，一定係義不容辭去支持，我哋用好多心血去希望更多人認識香港隊，入場支持香港隊。」

其中一位「波台黐線佬」成員Chester表示，港足、港隊代表着他對香港的歸屬感，「可能係港中大戰、56年第一次入咗亞洲盃決賽週，仲有最近新鮮滾熱辣亞運會入咗4強，全部都令到我哋引以為傲。」

｜新手球迷區
對於新手球迷，「波台黐線佬」成員Chester說：「撐香港隊第一件事就係着件紅色衫，買唔到或者冇港隊波衫，都可以搵件紅色plain tee。」除此之外，也不用羞於對足球的認識，他直言：「打氣區好多女仔可能咩係『越位』都唔知，其實enjoy就okay。」最簡單的入門看法，打氣、球進了得分、打氣，最重要是能直接為港隊打氣。

「一隊波成功與否嘅指標，其實係取決於入場人數。」Chester解釋入場與留守電視機看直播的分別，如印尼、越南及泰國等東南亞地區，其水平與香港不相伯仲，唯入場率非常高，他說：「呢樣嘢可以畀到球員好大信心，令佢哋更投入，表現都會更加好。」

只要有心，甚麼時候加入港隊也不會太遲，來成為球隊的第12人吧！下一場比賽，Hong Kong Boys & Girls，球場見！

文、攝：Hoiyan (@seamouse_hoiyan)
設計：Owen (@wai.ho.98)

——————–
香港角落：直覺記錄香港，鏡頭攝下角落。
In ACOO, you can find #ACOOHKCorner.