【首度登陸亞洲】36分鐘穿梭莫內200名畫 沉浸式追隨大師足跡尋找光與影
日前德國有環保組織向法國印象派創始畫家莫內（Oscar-Claude Monet）的名畫《乾草堆》潑薯蓉，幸好名畫被玻璃框保護，未有受損；在香港的我們則有幸變成薯蓉，在《尋找足印．莫內》展覽中飛撲進莫內的畫作內，在短短36分鐘，沉浸式欣賞大師近200幅經典作品，感受其筆觸和內心世界。 走進印象派大師莫內的世界 走進《尋找足印．莫內》5,000平方尺的場館，就聽到「莫內」為大家細訴自己的一生，引領觀眾跟隨他的畫筆走遍法國諾曼第和小鎮吉維尼，英國倫敦和意大利威尼斯。在偌大的屏幕上，某些畫中的細節如落葉、海浪變成動畫，令莫內的筆觸、色彩和光影更能細緻顯現；加上不同作品互相穿插，莫內在不同每個地方留居時的自然風光、季節更替和光影變化，交織着莫內的人生歷程。 不同於一般美術館名畫展覽，沉浸式體驗展是近年藝術的新突破 —— 音樂配合光影效果，再適當的把細節元素動畫化，作品就像重新活過來一般，徹底打破傳統畫框的界限。比利時創意工作室Dirty Monitor團隊的15位數碼藝術家，用了65,000多張底片，重新呈現莫內近200幅名畫，加上特別為展覽而創作的配樂，觀眾就如置身畫中，看着《打陽傘的女人－莫內夫人和她的兒子》時，彷彿感覺微風吹向臉龐。 VR直接走進畫中 展覽另一個看點是場館外的VR體驗，戴上眼鏡，瞬間成為畫中角色，除了細緻看到莫內利用短筆觸，將印象派對「光」與「色彩」迷醉淋漓盡致的發揮，也可以360度的轉換角度，跳至那個世紀的法國和英國。有趣的是，不同場景也會有不同的小驚喜，像在雪景中低頭，便會意外發現自己留下的腳步，或是蓮池下的生機。 《尋找足印．莫內》 日期：即日起至2023年1月15日 時間：9：30am 至 10：30pm 地點：西九文化區文化廣場（戲曲中心旁）
【玩盡大阪環球影城】一日玩足11樣！大阪環球影城有咩攻略？全新Mario園區！仲有萬聖節Halloween特別活動🎃
大家去環球影城最盡玩到幾多款設施？ 相信一般人通常都係玩到三四樣，但我哋盡做團隊係非一般架！竟然可以喺12個鐘入面玩到11樣設施！！下次跟我哋攻略去玩啦！ 日本特備節目 一連四個星期六！ 食盡大阪 --》https://youtu.be/SJsFbayELsM 玩盡大阪-》https://youtu.be/OYDtFvpYrp8 - \\ 盡做 · HAPPY星期二 · 約定你 // 生活需要盡一點，一齊以最盡方式發掘香港另一面，挑戰極限、直視恐懼，重拾青春熱血❤️🔥！ 🔆精彩重溫🔆 最盡方式食海鮮（上） https://youtu.be/S7sOeeOVEYQ 最盡方式撐港產片 https://bit.ly/3Ridpl4 最盡方式做貓奴 https://bit.ly/3RXDtlG
OASIS｜余拜仁：《飯戲攻心》：有愛有家在 冷暖也心開
股市最近幾日跌到死去（但無）活來，聞者傷心，聽者流淚，最慘嘅係探底工程永無盡期；如果想搵啲開心嘢分散下注意力，睇戲可能都係唔錯嘅選擇，事關近日有套香港電影史上最賣座嘅喜劇上映緊，票房已經突破咗7千萬元，而且愈上愈有，作品無刻意扮高深，亦無大玩屎尿屁，簡簡單單回歸到人倫關係嘅基礎單位—家，當中主要嘅場口同橋段都係一家人喺屋企行出行入，同埋食飯，然而簡單並唔等同容易，將一幕幕尋常不過嘅日常生活寫成、演成同拍成直搗觀眾心靈嘅電影作品，絕對唔係等閒之輩可以做到。 相信未講到個戲名，廣大讀者都已經知道呢套就係《飯戲攻心》，由陳詠燊同時擔任編劇同導演，六人主演陣容包括黃子華、鄧麗欣、張繼聰、王菀之、林明禎同陳湛文，一次過寫晒七個人嘅名出嚟，並唔係為咗要充撐字數，而係呢個組合基本上每一位都各擅勝場，近乎缺一不可，觀眾值得好好記住佢哋；電影嘅名字係一種好港式嘅「食字Gag」：飯氣攻心本身係生物反應，食飽飯好易就會想瞓覺，然而呢套作品幾乎係全無冷場，相反好幾場飯戲都係精彩絕倫，無論係家人同心、其利斷金，抑或係各懷心事、表裡不一，果種描繪塑造都係相當深刻生動，令人睇得好入心、好上心。 《飯戲攻心》嘅好係全方位嘅，首先劇本應記一功：由一味死撐要頂住頭家嘅大佬，到飄洋過海追星嘅宅男女神等等，每個人物嘅個性都好立體有力，分開睇係各有各嘅故事，擺番埋就另有火花趣味；人物之間嘅相聚別離，富有戲劇性嘅同時又唔會太堆砌突兀，觀眾既覺得呢一家係打開隔離屋果度門就見到嘅平常人，又唔會嫌棄家庭事平淡如水無戲好睇，普通中見不普通，實在唔係普通水平嘅創作可以輕易做到。技藝再高，作品都唔一定能夠叫好叫座，好多時仲要天時地利人和嘅配合，為香港人而拍嘅《飯戲攻心》係絕對值得爆紅嘅。 電影嘅「港味」唔係純粹嚟自戲名嘅「食字Gag」，或者編導演組合中八成六嘅港產成員代表，作為作品命題，《飯戲攻心》講緊嘅「家」，首先當然係三兄弟，加上佢哋三位女伴嘅微觀人際關係，六個人一間屋，一齊住好似就係一家人，賣咗間屋彷彿就係家不成家；同時更加宏觀地睇，過去，大家一直紥根喺同一個地方，現在，隨住經歷同際遇嘅唔同，彼此有啲唔同諗法，有人想撤離開展新生活、有人想留守繼續行落去，未來，「家」，到底仲喺唔喺度？優秀嘅作品往往都係去拋出重要嘅、切身嘅問題，刺激觀眾自己思考，而唔係要你去硬接創作團隊嘅價值觀，於是直至劇終字幕（仲有NG片段）徐徐升起，編導演都無意圖去提供一個標準答案；最後，眾人揀咗一條「打開門，行出去，去遠啲」嘅路，親情到底因此係濃咗定淡咗？屋企究竟係喺門內定門外？真係睇你點睇。未睇？咁就應該快啲睇！
【跟港人推薦盡玩】大阪通天閣有新景點！奈良鹿瘦了🥺Happy慘被咬！12個鐘玩到大阪幾多景點？
上集食完日本美食！今集梗係要去玩啦！ 三年無去日本，要玩足一日12小時！仲去咗通天閣最新設施！齋玩唔夠，要問下同我哋一樣第一時間去日本嘅香港人去邊，實行「你去我又去！」，睇下闊別三年，港人最想去邊度玩！！ 最後一日去咗七站！去咗奈良餵鹿；心齋橋食壽喜燒，仲有去臨空城OUTLET大買特買！！ 日本特備節目 一連四個星期六！ 食盡大阪 --》https://youtu.be/SJsFbayELsM - \\ 盡做 · HAPPY星期二 · 約定你 // 生活需要盡一點，一齊以最盡方式發掘香港另一面，挑戰極限、直視恐懼，重拾青春熱血❤️🔥！ 🔆精彩重溫🔆 最盡方式食海鮮（上） https://youtu.be/S7sOeeOVEYQ 最盡方式撐港產片 https://bit.ly/3Ridpl4 最盡方式做貓奴 https://bit.ly/3RXDtlG
OASIS｜紅眼：《黑亞當》：他不是超級英雄，不過他是 DC 的黑馬
隨著《復仇者聯盟：終局之戰》以及幾名元老角色退場，接續的次世代 Marvel 作品，已經屢次讓我𠝹凳，覺得重複、氾濫，失去創新方向，除了最初幾部衍生電視劇頗有水準，後來都無以為繼，質素不及巔峰應該有目共睹。反觀一直從美漫市場鬥到電影改編的 DC 及製片商華納，又是另一光景。過去幾年 DC 長期處於東施效顰捱打狀態，操之過急的《正義聯盟》口碑欠佳，再推出導演重製版都無補於事，而且內憂外患不斷，《蝙蝠女》胎死腹中，《閃電俠》和《水行俠》兩大系列主役演員出事，都不知道改劇本補拍還是像直接砍掉止蝕比較妥當，正印英雄運滯連三，拍攝計劃進退失據之際，同廠旗下的惡棍系列反而每次都有驚喜。 先有重製再重製的《自殺特攻》系列，被食盡 Marvel、DC 兩家茶禮的鬼才導演 James Gunn 挽回些許顏面，還緊接為 John Cena 飾演的反派角色和平使者開拍同名電視劇，刀仔鋸大樹，卻拍得有板有眼（導演最近跟《和平使者》女主角 Jennifer Holland 結婚了，Marvel、DC 兩邊演員同場慶祝，真是食盡兩家茶禮，恭喜恭喜）。如今就連籌備多年，由「巨石強森」Dwayne Johnson 主演的《黑亞當》，個人覺得都不失禮。 「巨石強森」與超級英雄電影這個配搭，未入場都大概想像到會是遍地爆谷，好好笑、好好打的綠幕特技片，坦白說，本身不是太有期待。但《黑亞當》的作品水準超乎一部純粹的爽片，尤其是以非一般超級英雄電影為定位，對於亦正亦邪的反英雄角色拿捏得宜，不是新《蝙蝠俠》那種陰沉黑暗和壓抑，但又摒棄了《雷神奇俠 4》的歡樂胡鬧花招。電影剛上映不久，網上評價偏向兩極，譬如爛蕃茄評分就真的比《雷神奇俠 4》還要低了，但同時亦有外國影評形容 Dwayne Johnson 的加盟，拯救了近年危危乎的 DC 電影宇宙。這很有趣，因為黑亞當正正標榜反英雄，是個推崇暴力私刑、隨手殺人的惡棍，卻反而是此角色令斷攬在即的正義聯盟再現曙光。 倒不是說《黑亞當》別開生面，玩了什麼破格新花樣，Dwayne Johnson 仍然是 Dwayne Johnson，DC 仍然是 DC，都仍然是霹靂啪喇接連不斷的兩小時 CG 特技放題，神魔人三界大戰格局，輔以行之有效的自嘲式對白，這些超級英雄電影的必備元素，《黑亞當》自然不缺少，但作為黑馬跑出，電影證明了寫好故事、寫好角色，始終是很重要的基本功。電影的主角不是典型英雄，而是反派、反英雄，要制裁他的敵人才是英雄，難為正邪定分界，今日已不是什麼新鮮設定，但電影勝在將正反兩邊陣營都描寫得具體，角色有血有肉。作為配角（還有點左膠大愛味道）的英雄協會四人組，他們沒有《正義聯盟》的那些正印主角光環，但平庸而能力有限之人，身上更能見識英雄氣慨，短短幾場對話、一幕打鬥，便塑造了鮮明的角色個性及團隊精神（比冗長而過多枝節的四小時導演版《正義聯盟》簡潔好看）。尤其是鷹俠和命運的戰友羈絆，實在可歌可泣，並不遜於作為劇情主軸的黑亞當五千年身世之謎。 說完優點，再談作品另外一些問題。招致劣評的其中一個原因，據指是電影太似 Dwayne Johnson 個人作品，與 DC
【終於去日本！】大阪道頓堀人氣燒肉店執咗？章魚燒🐙超抵燒和牛🤤昭和年代咖啡廳☕️全部唔使排隊！跟HAPPY一口氣食盡5間大熱餐廳！
【終於去日本！】 今集盡做去到日本！係日本開關後第一批到當地嘅遊客！！ 究竟大阪變成點？道頓堀係咪仲有咁多美食？一齊跟Happy同策劃人食盡五間人氣餐廳！ 原來道頓堀人氣燒肉店執咗！但去咗幾乎成日排長龍嘅章魚燒！ 仲有超抵食炸物！好似返回昭回年代，有七十年歷史嘅咖啡店！ 去到日本當然唔少得食和牛燒肉同磯燒海產！ \\ 盡做 · HAPPY星期二 · 約定你 // 生活需要盡一點，一齊以最盡方式發掘香港另一面，挑戰極限、直視恐懼，重拾青春熱血❤️🔥！ 🔆精彩重溫🔆 最盡方式食海鮮（上） https://youtu.be/S7sOeeOVEYQ 最盡方式撐港產片 https://bit.ly/3Ridpl4 最盡方式做貓奴 https://bit.ly/3RXDtlG
【人離鄉賤？】用影像探索香港的沉默「少數」
在這個瞬息萬變的世代，有人前來也有人離開，曾離鄉別井的人應十分明白在陌生國度展開新生活的困難。若本身曾受高等教育，你便屬於較幸運的一群，由藝術中心ifva主辦的「影像無國界電影節2022」在本月28日至30日以移工為主題於香港藝術中心古天樂電影院放映不同作品，讓觀眾透過不同的電影來了解大部份「不那麼幸運」的異鄉人到外地工作的日常生活，即日起可於撲飛 POPTICKET網站訂票或於ifva官方網站登記免費節目。此外，11月亦設有多場社區放映。 電影節將放映多部圍繞着移工的作品，像美國紀錄片《Free Chol Soo Lee》曾入圍多國電影節大獎，其紀錄了在70年代一位韓國移民被誣告為殺人兇手，他多年的不放棄上訴引來記者的關注，真相隨着調查逐漸水落石出，他的經歷亦引起一場社會運動，最終能沉冤得雪。《少數族裔的香港日常》中由香港導演洪光賢拍攝的紀錄片《十三街的非洲鼓》則探討了在港非洲人的生活，他們為何來到香港？到底所謂的「少數」與「多數」之間有多大的相異之處，我們的距離有想像中的遠嗎？ 不懂韓語、非洲語、越南語或菲律賓語，又如何了解這些外地移工？那麼，電影節的《家的重量：曾威量專題作品選》－《禁止下錨》、《一抔黃土》、《妹妹》和《漂泊異鄉人：外藉移工在台灣》－《高山上的茶園》、《妮雅的門》等作品便是最好的翻譯年糕，放映後亦設有映後談，聆聽更多不一樣的日常聲音。 【影像無國界電影節2022】 官方網頁：www.ifva.com 查詢：ifva@hkac.org.hk / 2824 5329
【為音樂告解】廣東歌就係主流？ 好音樂必須跟住唱？ 走入未來音樂祭 Tone Music Festival 來一場關於香港音樂的告解
《未來音樂選 TONE Music Awards 2022》昨晚圓滿結束，以全民票選方式選出的年度十大歌曲獎、將不同香港音樂單位呈現的音樂類型獎、表揚出色MV的音樂錄像大獎，香港音樂的不同面貌得以展現。 ACOO在《TONE Music Festival 未來音樂祭2022》邀請了音樂人、音樂從業員、樂迷進行了一場圍繞香港音樂的告解，看過之後，你又會否有另一番新體會？
OASIS｜方俊傑：冷清清世界盃
還有一個月左右，世界盃決賽週便開鑼。是我首次全程在外國觀看直播。 人生第一次對世界盃賽事有印象，是1986年的一屆。我八歲，不太記得馬勒當拿有幾勁，反而記得我阿媽相當不滿。因為電視台直播，而當時電視機是貴價電器，住在屋邨的尋常人家，擁有超過一部電視機相當罕有。我阿爸在睇波，代表我阿媽百無聊賴，可能要看瓊瑤小說過日子。有第二部電視機也沒有，大台也沒有其他節目。 未有收費電視頻道的世界，不是個個星期也有歐洲球賽直播，物以罕為貴，四年一度的世界盃，對球迷來說，就算晚晚捱通宵捱足一個月，也值得。非球迷也會忍不住湊熱鬧，是真真正正城中大事。 到2002年，日韓世界盃，第一次在有線直播，收費。不是人人也有安裝，開始流行去商場觀看大電視。當年難得在亞洲舉行賽事，黃金時間播放，世界盃熱潮不但沒有退減，甚至上升到高峰。我剛進入雜誌社，要處理事前的特刊與過程中的報導。世界盃，對我來說，不再單單娛樂，也是工作。 可以很確定說一句，近幾屆，世界盃的地位，已不復當年勇。對球迷來說，歐聯的水平和地位可能比世界盃更高；對非球迷來說，免費電視台不會場場直播，便不用營造一股非看不可的氣氛。來到英國，以為情況完全不一樣，畢竟國家隊有份參與賽事，球迷數量又多。暫時來說，是有點失望。 可能要多謝國際足協，把主辦權交給卡塔爾，基於天氣問題，硬生生把賽事由夏天改去冬天進行，英超還在如火如荼，一般球迷可能期待繼續看到夏蘭特發威，多過無厘頭走去睇卡塔爾對厄瓜多爾。我以為會在街上看到很多白色主場或紅色作客的英格蘭球衣？沒有。紅色，還是曼聯。 最大鑊是球衣店的櫥窗，也不見。在超市服裝部，我只見到一小排T裇，跟世界盃有關。希望只是時間尚早，萬聖節一過，便會全力催谷。想起以前在香港，世界盃是球衣店的超級大事，整條街不是英格蘭便是巴西或日本，氣氛反而濃烈得多。我不知今日的香港人，還有沒有這樣的心情嬉戲了。 2010年南非一屆，為撰寫特刊，自問還算相當投入世界盃；到2014年巴西一屆，雜誌社已經找不到足夠廣告商支持製作特刊；到2018年俄羅斯一屆，那份實體雜誌甚至停刊了。我也終於沒有能力場場分組賽看足，像摩洛哥對伊朗之類，不看，也不覺得是損失。今屆，一日踢四場，在英國，朝早十點開波，晚上九點完成，時間一流。不過，看看戲碼，未免有太多球隊像陪跑，強弱懸殊的局面太明顯。四年後，改在美國、加拿大、墨西哥舉行，國際足協還要擴大到四十八支參賽隊伍？一手摧毀世界盃招牌的，就是世界盃自己。
OASIS｜余拜仁：後疫情的文化交流
喺香港仲係緩緩地開關、慢慢地解封嘅同時，亞洲區內唔少嘅鄰居幾乎都已經回復正常生活，好似喺南韓嘅首爾同釜山，呢排仲陸續主辦一個接一個嘅文化藝術盛事，包括首爾表演藝術博覽會（Performing Arts Market in Seoul, PAMS）、釜山國際舞蹈博覽會（Busan International Dance Market, BIDAM）同埋釜山國際電影節（Busan International Film Festival）等等，世界各地嘅行家同業都聚首一堂，除咗訴說近況，更多嘅係業務交流，唔少未來合作都係喺呢啲場域孕育出嚟；睇番呢幾個行業盛會，當中只有電影節係有比較多嘅香港元素，至於包括PAMS同BIDAM，香港代表嘅參與少之又少，較為可惜。 香港觀眾對釜山影展應該唔會感到太過陌生，呢個國際電影節今年已經去到第27屆，屬於亞洲區內其中一個歷史最悠久、地位最顯赫嘅影業盛事，所頒發嘅獎項素來都有指標性，其中今屆嘅「亞洲電影人獎」由香港知名演員梁朝偉獲得，電影節更一口氣放映咗佢多套經典名作，包括《無間道》、《東成西就》同《春光乍洩》等等，據知整個名單都係由佢本人親自決定，選片維度十分廣闊，盡顯不同演技類型；除咗梁朝偉之外，包括梁詠琪、岑珈其同凌文龍等等香港演員，今年亦憑不同作品入圍影展中嘅頒獎典禮，因此香港影人喺今屆釜山影展嘅能見度都算係唔錯嘅。 相反，喺PAMS同BIDAM入面，嚟自香港表演藝術界嘅代表就真係寥寥可數，其中城市當代舞蹈團（City Contemporary Dance Company, CCDC）策劃咗名為「HOTPOT: CHINA」嘅舞蹈平台，呈獻三個風格各異嘅舞蹈作品，兩個創作團隊嚟自香港，餘下就係中國內地團隊嘅創作，另外不加鎖舞踊館（Unlock Dancing Plaza, Unlock）則獲邀出席PAMS嘅專案推介會同圓桌討論，基本上已經總結咗香港藝團嘅參與；由於過去兩三年都無機會出外交流，Unlock決定把握機會見多啲區內行家，除了轉往釜山出席BIDAM嘅連串活動，舞團行政總監李漢廷（Michael）其後更加到訪新加坡，拜會咗當地表演場地代表、獨立編舞舞者，同埋演出製作人等等。 Michael坦言，過去對亞洲鄰近地區合作伙伴嘅認識唔算太深，近年受到疫情嘅嚴重影響，跨地域文化交流亦難以透過實體形式進行，適值世界各地嘅出入境政策都陸續放寬，唔少跨國合作都已經密鑼緊鼓籌備當中，例如佢喺今次旅程就有機會欣賞到一個由亞洲多區創作人共製嘅舞作，故此希望盡快重啟同區內伙伴嘅連繫，揭開後疫情時代文化交流嘅全新一頁。