【赤裸地探究生死】一抹色彩即將消散｜與雲翔、李蕙敏對話

第33屆「香港同志影展」今日（9月17日）正式揭幕，今屆的焦點導演是雲翔。筆者早前與他和李蕙敏（Amanda）在逸東酒店見面，第一個問題，當然要先問問成為焦點導演的感覺。他笑了笑，回答得直白而自信：「有啲出奇，但諗諗吓，同志電影我頭尾拍咗8部，又覺得冇可能唔係我。」 今屆影展中，雲翔有4部作品上映，其中《永久居留》和《安非他命》是舊作，而《十三門徒》和《屍房菜》則是在香港首度公映。前者述說一名自稱學者與12位精壯青年探索生死，後者是關於鬼上身的故事。兩者皆與另一舊作「三十儿立」有關聯。曾經參演「三十儿立」，再次在《十三門徒》登場的Amanda直言，「拍雲翔導演嘅戲好刺激，好少見到咁多人唔着衫，但係又要處之泰然！」 //赤裸說故事// 雲翔的電影，一直以前衛見稱，毫不避諱的裸露甚至性愛鏡頭，無疑都是特色。但當目光從「吊吊揈」的男性胴體移開，看到的會是甚麼？參與了試映會的筆者，看到了對死亡的想像和對愛情的反思。另外，《屍房菜》其中一幕性愛場面，也委實令人印象深刻（按：為免劇透，不贅，反正香港觀眾定有共鳴）。 雲翔直言：「生死議題貫穿我嘅電影，呢樣冇得講，當然有講愛，仲有講抑鬱症。」他解釋，小時候已經喜歡思考生死，「但係我覺得，人類對死亡嘅解說，冇一種係足夠滿足到我。」正因如此，他對死亡的不同想法，便滲透了他的作品。 驟耳一聽，似乎沒那麼特別？Amanda給予了一個客觀評價：「呢啲議題，中外電影都會講，只係唔同人會有唔同想法、價值觀、角度，經歷影響睇法。」但當這些議題添加了同志元素，「咁樣件事又複雜咗，但又豐富咗。」 雲翔補充，《三十儿立》之後的作品，都是探討「dying young」，「因為我覺得呢樣嘢畀人嘅惋惜感，或者逼人去思考人生嘅意義，強度係好大。」而在故事中加入同志元素，他認為不會令年青人抗拒，反而會覺得「幾型喎」。 //向觀眾告別// 關於雲翔，除了影展，近來亦有另一消息令人關注 — 在完成第十部作品《裸族之香港部落》後，他將停止導演工作，並離開香港。「我咁放得低話以後唔拍電影，其中一個好主要嘅原因就係《十三門徒》，再加埋《屍房菜》，就講晒我對死亡嘅所有意念，同埋一啲奇想。」他笑着說：「我同阿Ray（楊曜愷，影展行政總監）講，真係好，有咁多場，係我同香港觀眾告別好好嘅時機！」 雲翔生於貴州，在廣州成長，70年代尾來到香港，一度移民澳洲，之後回流當導演。他憶述，初到香港感到眼界大開，「見到差異咁大，會令我更加敢去搏，覺得應該要開放自己。」這感受，在他已經決定離開香港的今天，顯得有點諷刺。「我依家覺得，人生屬於地球，唔應該停留喺一個地方。」他說。 涉足電影界的16年，他看到很多的停滯不前，以同志議題為例，「新加坡最近話同志性行為去罪化，香港31年前已經做咗」，又如同志影展，「33屆啦已經，以前好犀利，係領先亞洲，近年其他地方係咁向前行，我哋又冇乜變化。」他坦言，「進唔進步要講緣份，希望至少唔好退番去，仍然有空間畀年青人發揮。」 他表示，創作意念也在變化。剛開始的電影，都取材自真實故事，來源大多是朋友講述，或者公開案件，但由第六部電影起（2016年的《同流合烏》），故事開始變得虛無，「因為對現實態度唔同咗，以前會覺得人生可取、都幾多嘢可以拍成電影，跟住越來越失望，咁就開始追求烏托邦，想像一件事出嚟。」 //在香港以外// 回顧導演生涯，雲翔相信自己的作品的確開闊了一些框框，產生了一些影響。例如《三十儿立》在泰國30多間戲院上映，除了引起一時哄動，「主要係泰國導演，佢哋發現『原來我哋國家可以上呢啲電影』。」又例如台灣，「令佢哋知道用同志題材係work，一樣咁美好，甚至多咗一啲色彩。」 對此，他直言「我幾滿意」。不過他立即笑着說：「我比較影響唔到香港。」 所以，香港在他心中，是否仍在「更多元」的路上？雲翔再次笑了笑，說要以最有希望的說法來回應。他表示，「好多人離開香港，有啲人會好傷感，我就睇到一個好大嘅機會。」他直言，「一個地方，啲人唔走出去，係唔會點樣變化。」他相信，離開的終會回來，「咁多人走向世界，到時會帶一啲完全唔同嘅嘢番嚟，到嗰陣，可能就會見到一個脫胎換骨嘅香港。」 李蕙敏髮型： Eddi So @ Headquarters 場地提供： Kino @ Eaton HK 《第33屆香港同志影展…