【惡搞自己】南洋派對 52首A.I.歌周街派 「里斯本人有冇受冷氣機滴水困擾？」

一隊樂隊唱咩歌、點樣出show、甚至點出歌都可以反映樂隊的風格。本地樂隊南洋派就選擇一次過出52首A.I.歌，而且用NFC「周街派」。 文字：Jovy 攝影：Andrew @andrew.bangchan 設計：Kayan @yipyn ｜南洋＋A.I.的咬弦和不咬弦 雖則A.I.是由海量數據生成結果，理論上它「正路」、「準確」和「穩定」，但不代表跟輸入prompt的人一致，呢個差異可以令你沮喪，都可以令你驚喜。在這次創作過程，A.I.做得到而不般人做不到的，就是它可以做出一種人正常不會犯的「錯」，所謂「錯」就是打破人們常規想法的結果，Jon直言：「我覺得好啱我哋，因為呢個根本就係我哋樂隊嘅DNA嚟，就係『錯』囉。」Chau：「就係同常規唔係好咬弦咁囉。」 這種「錯」正正是這52首歌令人聽到會發笑之處。我記得首次在Clokenfalp聽到的《冷氣機滴水》，跟住不停唱個「滴」字唱到想打爆幅牆，歌詞用了在《吉卜賽的冷氣機》、《夏灣拿之夜》和《街坊的投訴》，現在都戾氣全無，甚至聽着聽着會出現邀約樓上鄰居一起去效外野餐的畫面。Jon認為這貫徹了樂隊的風格：「我哋好多歌都係咁，其實唔係特登，但係我哋鐘意玩嗰個contrast，即係嗰個曲風是是很流行、好悅耳，而裡面就要藏一啲嘢。」Chau補充：「例如個歌詞係好angry嘅，點解你唔可以用soft點的方法去表達。」正如用《雞蟲狗公鴨》詞造的《青年大使2024》或者《Indie師兄》的詞生成的《自己檢討夏》，只聽音樂你真的會覺得可以成為以前某台暑假正直青年show的主題曲。 ｜打爛招牌VS省靚招牌 Covid 期間不少本地小型樂隊橫空出世，其中令人眼前一亮的是一玩post punk的南洋派對。聽過南洋派對的音樂的話，相信都會對主音演繹寫實歌詞的唱腔有深刻印象，令聽眾/觀眾認得自己是不少樂隊和音樂人夢寐魂求的目標，南洋派對無疑在這方面絕對做得很出色。有趣的是，是次推出52首作品都不再會聽到這種風格的演繹，玩到放棄自己signature會否玩得太大？眾人異口同聲地說沒有，主音Jon一臉不在乎：「我哋唔care呢樣嘢咖喎」，他反而認為除了因為歌詞大家會認出他們之外，另一個更大的作品特點是：「我地最戇鳩咖嘛。」他們在乎的，由始至終都是要好玩。 訪問期間我們想像如果走進一間餐廳在播Bossa Nova類型的音樂，你不會覺得違和，直到你可能聽到唔啱音的廣音話歌詞，Allex更展示其中一首已成功出現在spotify的一些post-punk以外的genre 的playlist，因為可能這些都是人工智能演算出來的結果。Jon認真地說：「可能呢啲歌入到咩best indie，而唔係原本嗰首，你話幾荒謬。」 當bedroom music 可成為全球熱播，地上地下難再區分，派歌可以實際去找街招掃NPC聽，本地音樂人可以點enjoy這個時代？也許忠於自己想玩就玩，不要有不必要的包袱。