Follow us on social

Follow us on social

相關文章

有好一陣子，香港人喜歡談「集體回憶」，就是懷緬一些舊陣時經歷過的、見過感受過的事物。然而這個1999年出生的小伙子，沉醉儲一些比自己更老的事物。 24歲的阿鋒沒讀過歷史，偏偏被舊物背後的故事吸引，變成一個舊物收藏家，開一間「夜冷店」，尤愛「香港製造」的物件。他自認是一個老土的人，不過他亦嘗試讓「舊物」變得不那麼曲高和寡，「我呢啲嘢客人全部都可以掂，希望大家唔好將舊物呢樣嘢變得太神聖」。 舊事物可以是情懷、可以是潮流、更可以是一個個可觸碰的活見證。這間小店名為「拾舊」，代表「拾回舊時的美好事物」，同時也象徵一段尋找香港歷史的旅程。 文：Heidi @heidi.is.strong 攝：Andrew @andrew_bangchan 設：Owen @wai.ho.98 ｜一件舊物 一個故事 踏進觀塘這幢工廈，入面有一間名為「拾舊」的小店。在一個不足200尺的空間，溫暖的黃光襯托下，裏面塞滿了老香港的珍寶，從玩具到餐具、從家品到商店招牌，琳瑯滿目。 鋒的父親也是一個喜歡收藏舊物的人，愛好儲書、紙類物件，「所以細細個去旅行，我哋屋企好奇怪，一定會去搵呢啲嘢。」在鋒在17、18歲時，為了清理家裏堆積如山的舊玩具，他參加了一個玩具市集，放售家中不要的寶貝。 在市集內，他認識了不少玩具收藏家，「每買一件就覺得好有趣，因為賣玩具俾你嘅人，都會同你講好多故事。」在這段過程，鋒漸漸發現，每個舊玩具原來都有歷史，只不過這些故事，不會在歷史教科書出現，「但呢啲故事，先係最貼地、最日常，係當年佢哋生活嘅經歷」。 鋒越聽越上癮，在不斷「入貨」的過程，這些玩具及歷史，逐漸像拼圖一樣組成一起，「你問我，點解我咁後生，無經歷過呢一切，都會咁著迷？因為越聽越會整合到當年好多大家都唔知道嘅事，我覺得好有意義，我想將呢啲無人知道嘅事情，用自己方法留落嚟」。 「接觸舊物，令我搵到屬於自己地方。」   ｜Empire Made？Made in HK? 鋒拿起身旁的一件香港製造的舊塑膠玩具，「你睇上去好似平平無奇，其實紙盒寫住嘅唔係Made in Hong Kong，而係Empire Made」。原來，1930年代時香港製造的玩具都不能寫上「香港製造」，「佢哋（英國人）覺得寫你個名，唔好睇」，所以只能寫「Empire Made」。 他憶述，有位收藏家老前輩曾分享自己訪問當年的玩具廠老闆的故事，「佢話，當年英國人點樣買香港製造嘅玩具？唔係一件一件計，係逐斤逐斤計算，唔係用數量，係用重量。但膠玩具好輕。老闆曾經試過喺英國人面前黑面，英國人一巴車埋去，一定要佢賣」。 「去到60年代，靠香港嗰一代人努力爭取，做好自己地方嘅商標、質素，先爭取到可以喺產品寫上自己地方嘅名字。慢慢越來越多產品可以寫『Made in Hong Kong』。」對於鋒而言，這個正是香港製造的魅力所在。因為這代表的不只是一段歷史，更是一種信念。 ｜出錢又出力 講到底，做收藏這回事，就是燒錢的玩意。鋒説自己前前後後已經在收藏舊物這件事投放超過六位數，「一開始用少啲錢，幾萬，係自己儲返嚟。後來透過買賣賺錢，繼續支持自己」。 香港地方少，「好流行扔嘢」，反而在外國地方更大，更有機會找到香港製造的舊物。鋒這幾年走遍亞洲，特別是同樣曾為英國殖民地的新加坡，或者是台灣及日本等地，逛逛跳蚤市場，尋覓驚喜。毫無懸念地，只經營舊物買賣當然不足以「維皮」，為了讓自己時間較彈性，他選擇返飲食業part time支撐自己的「愛好 /正職」，又用盡辦法省錢，「例如唔出街食返，多啲喺屋企食。上年仲有學生八達通，就搭多啲地鐵，慳得就慳」。 有時候要覓得心頭好，更要靠「厚面皮」。在「拾舊」內，有一個大型的鐘錶店招牌，來頭不小。「上兩年，我讀大學嘅時候，每日都會經過九龍城返學。當時經過已經覺得個招牌好靚，好想要。點知後來佢真係要收樓，無得做」。鋒在鐘錶店營業最後一日，硬著頭皮走入去問：「我覺得呢個好靚，你會扔嗎？可唔可以俾我？」他誠意打動了鐘錶店老闆，最後用了一個比較相宜的價錢接收這個人手製造的招牌，「後來知道，原來好多老前輩都問過呢間店。佢都無俾。可能我夠誠懇？唔知呀。又或者見我後生，覺得好少後生嘅咁有心？」 ｜我們與歷史的距離 鋒形容自己是一個「老土」的人，「我其他興趣都好阿伯，例如，我鍾意釣魚，釣魚嘅好似全部都係阿伯。朋友會覺得我好悶，唔鍾意掂新嘢」。 不過，在鋒眼裏看來，「老土」的只是他的性格，而「舊物」這件事並不老土，「好似呢排興Y2K，或者CCD相機，十幾年前鴨寮街賣都無人用，幾十蚊送俾你都無人要。我覺得舊物係一個時代嘅循環，潮流就係不斷repeat。舊嘢喺呢一刻可能係老土，但幾十年後可能又會潮返。」 不過，講到底，舊物對他而言價值絕非僅止於此。他前前後後已參與過幾十次市集，在市集與大家分享舊物的故事，「我想表達嘅喺，希望大家感覺到呢個喺一個捉得到嘅歷史，而唔係同你有好大嘅距離感。我希望大家都可以摸呢啲嘢上手，你就會發現歷史同人可以好近」。 In ACOO, you can see #ACOOPerson.

ACOOPERSON   小店   懷舊   ...

疫情下食肆禁令持續，銅鑼灣一間cafe就轉型自救，晚市轉賣兩餸飯外賣，希望幫補生意。老闆Evelyn表示，為了員工和食客，會盡所能繼續營業，「最緊要係人情味，畀到大家一個避風港！」 一齊祝福所有小店都可以渡過難關啦！

cafe   小店   疫情   

疫情當道，晚上堂食被禁，農曆新年一家人想團聚又不想勞煩母親大人下廚，最快靚正做法莫過於一炮過訂盆菜在家慢慢嘆，故近期坊間再興起盆菜熱潮，只可惜商人為了利潤先行，硬要加入鮑魚、花膠、海參、瑤柱等山珍海錯，就令傳統新界圍村風味所餘無幾。   盆菜起源不多說，但必須要承認，盆菜乃平民之物，正宗圍村盆菜實而不華，壓根兒不會出現花巧名貴菜色。也許你會質疑，「車仔麵化」的盆菜有何可取之處？實情是這種金字塔式擺放，充滿著圍村人的飲食智慧，絕非胡亂拼湊而成。盆菜通常分為六層，頂層食物以鮮味取勝，調味較輕，中層食物大多是耐煮食材、富濃郁醬汁，底層則以「吸物」為主，索盡整盆精華。   最「豪華」一道是頂層的大蝦、白切雞及燒鴨。但不要忽視他們，以往新界人用的，都是新鮮基圍蝦及自家養走地雞，簡單白灼已鮮味十足，食味非雪藏貨色可媲美，坊間有些變奏版盆菜出現茄汁大蝦及豉油雞，說穿了就是以調味遮掩食材不足。富裕一點的圍村人會加上炸門鱔或炸生蠔，全部就地取材，永不外求。   第二層通常擺放手打鯪魚球、門鱔乾等海鮮，第三層就到炆冬菇、蠔豉等海味。第四層是盆菜不可或缺重頭戲－芋頭燜豬肉。芋頭炸至甘香，豬肉就則南乳、八角等生燜。燜好的豬肉甘香肥味，豐盈肉汁受惠者，自然是下一層的枝竹、蓮藕。底層就是清甜蘿蔔、爽滑豬皮，此物如海綿般將上述食材的湯汁精華一一吸收。   上乘的傳統盆菜，美味程度取決於食材質素，要將這圍村風味好好保存落去，需借助官方力量，單靠民間自發難成事。食盆文化在2017年被政府列入「非物質文化遺產」，可惜政府無而為繼，其實政府可將正宗盆菜作官方定義，日後所有店家要用上「圍村盆菜」這稱號，就要跟足材料比例做法。這類守護傳統地方美食做法，環球皆有。意大利有個拿坡里pizza協會（The True Neapolitan Pizza Association），符合官方認可才可叫拿坡里pizza。連國內養殖陽澄湖大閘蟹也有嚴格規定，偏偏作為飲食天堂的香港，卻任由變種盆菜流出市面，實非港人之福。

保育   盆菜   肥饕   

戴隱形眼鏡日日換就最清潔衛生，但日日丟con殼很不環保，怎麼辦？有小店推出con殼鍚紙回收點，實行小小有用資源都不放過！   Con殼的錫紙體積相當小，加上市面回收錫紙的地方少之又少，不少人誤會錫紙是無法回收的。但其實錫紙屬於金屬物質，同樣可以回收再造。小店 @contactlenseasy  推出con殼回收計劃，收集用過的con殼和鍚紙，轉運到回收站後工人會將它們分開並清潔。幾乎零重量的con殼，截至12月，已經回收了超過500公斤，名乎其實積少成多！Contact Lens Easy成為少數自設回收點的隱形眼鏡小店，本著「冇人講一於我哋講」的精神，為環保出一分力。   回收程序很簡單，只要網上登記就可以領取回收袋，收集到一定con殼後就可以郵寄或親自送去觀塘及銅鑼灣門市的回收點，方便簡易。千萬不要懶，只要幾個步驟就可以就地球出一分力了！  

Con殼   回收   小店   

上環太平山街一直有各類型小店，其中由台灣人主理的茶飲店「 Teakha 茶。家」自 2011 年開業

上環   小店   美食   

My Little Airport 歌中所說的「有理想嘅文青」，在座還有嗎？每次經過 #深水埗 的社區小店，你有沒有想過成為其中一分子？NGO SVhk 近日就邀請了一拳書店、合舍、Colour Brown、Neightbour Barber Shop、一草一木、昭和眼鏡等 11 間區內小店合作舉辦「心浪潮 @ 深水埗」活動。每間小店都會招收兩名實習生，每星期至少工作兩天，為期兩個月，徒弟仔除了向師傅學習日常工作，嚐嚐投身文創產業的滋味外，有店主認為「最重要是學如何做人，這些都是在大企業實習學習不到的東西」。 實習期完結後，各位「師傅」和「徒弟」還要聯手策劃與深水埗有關的社區項目，發揮自身潛能和學習成果，為深水埗帶來新可能。合舍店主王天仁認為，「藝術文化活動最重要的部份，是人與人之間的交流，從交流之中豐富自己對世界的理解和想像。」文化、藝術工作浪漫的背後，更重要的是不同人和社區的連繫，你準備好成為一個「真·文青」了嗎？ 「心浪潮 @ 深水埗」 對象：18 - 25歲人士  報名日期：即日起至 2021 年 10 月 29 日 報名截止：2021 年 10 月 29 日中午 12:00 面試：2021 年 11 月頭 計劃日期：2021 年 11 月頭至 2022 年 2

小店   文青   深水埗