【金蜻蜓能飛多遠】

譚兆民：「好少見到我哋兩個坐埋一齊，世紀影相。」

茹國烈：「影相先，太難得啦。」

《大狀王》史無前例地成功，帶來巨大的回響，難得請來西九文化區管理局前後兩任表演藝術揸fit人——茹國烈 （Louis） 和譚兆民（Paul） ，分享他們的喜悅。這齣原創粵語音樂劇，自2016年開始構思，到去年首演至今，總共投入了8年的人力、物力、財力和時間，寫下10個香港舞台劇大獎、32場公演、約2萬8千名觀眾（人次）和可觀門票收入的輝煌紀錄，還有數之不盡的美譽與期盼 ——「無論音樂、歌詞、演出、製作，以至每一個編排，都令香港劇場自豪的作品」、「怎可能不重演」、「大狀王真的很值得讓更多人看到」。正如歌手林家謙所祝福，「金色的蜻蜓帶粵語文化飛到更遠的世界」，相信香港人都會與有榮焉！

打從第一天開始，巡迴演出已經是西九委約創作團隊訂下的KPI。有看過《大狀王》的內地觀眾會在小紅書上分享，hashtag所在的城市，例如#武漢和#重慶等。巡演並不是夢？「唔係講笑，好似雪花片咁，唔同場地……」Paul首次透露，覆蓋範圍大至整個大灣區。「 要求巡演 ？」Louis不禁追問。「是哀求！」Paul笑着說。「有什麼城市？」記者也加入追問，「宜加講唔講得㗎？」

《大狀王》口碑載道，成績斐然，是無容置疑的，但有多少個表演藝術項目能花上8年的時間來創作？《大狀王》的成功，對本土音樂劇、話劇、舞蹈等表演藝術帶來甚麼啟示？西九扮演着怎樣的角色？發揮了怎樣的作用？《大狀王》最終能夠走得多遠？讓我們從《大狀王》的巡演計劃說起。

文字：YL
設計：Kayan

｜踏上巡演路

《大狀王》其中一個讓觀眾看得最過癮的地方，是白話夾雜俚語，例如「我狀師嚟㗎，唔接官司食風呀」、「馬富惡毒 我要佢呀 墊屍底」、「快啲話我知可以點拆啦」。《大狀王》能夠「原汁原味」衝出香港巡演嗎？西九表演藝術行政總監Paul說，看《大狀王》的觀眾不乏來自歐美、台灣和內地等地，當中更包括百老匯製作人，他們雖然不諳廣東話，但評價都十分正面。「下晝同一個美國女士食飯，佢睇首演，好鍾意個劇，佢唔完全明白劇情，唔完全明白歌詞，但就覺得成個氣氛非常好，亦覺得衫同佈景靚，台、燈、聲做得非常美侖美奐。」Louis在內地社交媒體平台也有相同的發現：「反應都幾癲吓，佢哋嘅留言都特別情緒澎湃，咩一生最好嘅劇，如果Hamilton係100%，呢個就係99.9%，咩天花板……」Paul還透露，看過演出的內地音樂劇中介都認同廣東話是《大狀王》的最大特色，「大家之前都諗過巡演要唔要用普通話，佢哋睇呢個版本，同我哋講，返大陸千祈唔好改普通話，用返廣東話。」他又表示一旦改變語言，就剝削原有韻味。「香港嘅特色就係白話、廣東話，如果做得成功嘅話，其實係好強嘅攝石，攝到內地觀眾、外國觀眾嚟朝聖。」

至於巡演時間表，Paul說最快2025年，目前大灣區不少演出場地已經提出邀約。「其實你收到幾多？」Louis好奇問。「超多！」「三十個以上定以下？」「絕對係以上。」「三十個以上嘅巡演邀約？」「宜加一個城市可能有幾個場地問我哋。」Louis笑言「即係去咗唔洗返」「一定唔會咁樣，大家要揀」，能有這樣的成績，着實令人鼓舞。 而除了香港和內地，也會研究將《大狀王》的生命擴展到歐美等非華語市場。Louis認為，不可以「榨盡」《大狀王》，而是期盼它能在舞台歷史中扮演改變創作模式的角色，從而推動、鼓勵更多更好的製作誕生。那麼，《大狀王》有甚麼地方值得後人借鏡呢？這得從它的前世裏尋找。

｜公演前3年開始創作

戲曲中心是西九文化區第一個開幕的表演場館，首播劇目當然要先聲奪人。「2016年時我哋團隊有一個諗法，2019年要做一齣音樂劇，質素一定要高。」Louis時任西九表演藝術行政總監，所定的目標十分清晰，但同時也非常之高。回溯2010年西九還是一塊爛地，他已經加入組建戲曲中心，到今天中心成了表演藝術家的聖地，稱他為「開山立派」第一人，可謂實至名歸。「點可以保證一個音樂劇嘅質素高呢？我哋提早三年搵咗三位主創，共同創作一個劇本同音樂嘅初稿。」他所講的是《大狀王》的作曲及音樂總監高世章、作詞人岑偉宗和編劇家張飛帆。就音樂劇的內容，Louis只提出一個要求，「跟傳統文化有關」。半年後，主創交出劇本第一稿，歌曲也寫好六成。眾人在辦公室試讀、試唱後，感覺很好，於是正式「埋班」，先後邀請了香港話劇團為合作伙伴、方俊杰擔任導演。

｜4場預演 2000反饋 砍掉重來

2019年5月，《大狀王》舉辦了4場售票預演，這個安排在香港表演藝術界不多，更遑論音樂劇。當年還沒有加入西九的Paul，以香港芭蕾舞團行政總監的身分出席。「預演喺香港係少嘅，在外國Broadway Music（百老匯音樂）場場都要預演，先俾記者睇，所以Broadway係好驚㗎，因為啲記者大姐，大哥睇完，寫死你就玩完，兩個月就收檔，相反寫得好，就係一個self fufill（自我實現），好似滾雪球咁愈滾愈大。」預演後，大約有2000個觀眾反饋，主創之後作出大幅改動。「我諗有八成改咗，包括整個劇情、佈景，原本係時裝，宜加係清裝，基本上全部改頭換面，你唔會知道兩者原來有關嘅。」

｜複製成功方程式？

千錘百煉，《大狀王》最終在一致好評下完美落幕。來個debrief，Paul和Louis為《大狀王》能在西九這片土壤上大豐收，總結了4個有利的條件：

1. 場地：戲曲中心，西九主場，有先天優勢。《大狀王》與劇場界先搵場，後創作的一貫做法不同，Louis解釋，「出咗劇本我哋先諗下一步，畀足夠時間，半年唔夠咪畀夠一年，雕琢好劇本，然後mark劇院嘅期」。戲曲中心的排練室，容許團隊搭建跟演出時一樣大小嘅旋轉舞台，讓表演者更好地融入場境之中。而個多月的綵排時間，加上長達10天「入台」，這些優越的安排，其他的演出都難以相比。
2. 資金：《大狀王》是由西九委約（commission）創作、西九及香港話劇團聯合主辦及製作。由2016年構思到2022年準備公演，橫跨7年（終因疫情而延長一年），所投入的資金無疑「好㩒計」，「純粹想唔蝕錢，或者回報率容易計得掂嘅話，個個人都去拍電影喇，拍戲係比較可能廉價嘅，仲可以長演，但係文化應該係多元化嘅。」2016年提出委約形式的Louis強調，西九作為政府文化政策的一部分，應該要肩負起導引的角色。「我哋覺得粵語作為文化係一件好重要、好重要嘅事，好代表到呢個城市嘅特色，要搵方法保留，而我哋呢個實驗係成功嘅。 」
3. 時間：從藝術創作的角度看，金錢和時間往往是成正比的，「西九最大嘅其中一個理念，好清晰就係時間，整個藝術創作過程，好多時候大家只會諗到錢、場地同人才，但無考慮到時間。藝術家係要時間嘅，時間多，佢可能都係到最後一個月先開始編，但係喺腦裏面incubate，去孵化，一定要時間。」Paul表示。
4. 人才：《大狀王》公演後，對台前幕後工作人員和表演團隊的好評，都在社交媒體和傳統紙媒洗版，可見一斑。

｜西九未來推廣文化藝術的角色

《大狀王》是由西九委約的音樂劇，Paul表示符合委約策略：「委約嘅原因係見到市場缺乏乜嘢，我哋就投放多一啲資源，做大個市，做大個餅，如果能成功，大家就會試，大家都會做。」而《大狀王》的成功，「加強咗我哋嘅信念，可以凸個頭出嚟，做一啲人哋未必會做嘅嘢。」今年4月公演了3場的現代舞，梅卓燕《囍—紅色的承諾》也是由西九委約，Paul強調，歸本絕對不是首要：「做藝術無人講過一定會賺，尤其係音樂劇，現代舞想回本？幾乎一定係零機會，但你都要做，因為你真係有個使命，要將呢件事帶畀香港，帶畀觀眾，而你好深信呢件事，係對成個香港文化，對社會嘅氛圍有好大裨益。」那麼《大狀王》是賺是蝕？「如果可以回到本breakeven就最好啦。」《大狀王》具備天時、地利、人和，或許它的經驗無法完全複製，但Louis期望，其創作模式是其他表演藝術可以借鏡的，即是延長創作過程、安排預演及之後有足夠的時間修改，「呢個模式證明到——戲係磨出嚟嘅。」