從傳統酒樓的一盅兩件，到結婚過大禮向家長敬茶，在香港文化中，茶一直佔一重要席位。在九龍城南角道一間小茶莊「源茂興記」，茶也同樣在兩位老闆劉氏兄弟的生命裏留下深刻印記。「精選各種名茶」、「唯一馳名觀音」，茶莊門口兩側威風凜凜寫着，而頂上則是從右到左六個大字：「源茂興記茶莊」。從1954年開業至今，這裏始終如一，茶葉的穩定品質，一直讓細劉生引以為傲：「七十年前係咁樣包（茶葉），七十年後都係咁樣包——只不過多咗個膠袋。」

只是如今面臨九龍城區重建，茶莊也終將迎來光榮下場的結局。「初頭就諗住搬遷嘅，但而家就諗住唔做，因為我哥打算退休喇，變咗得我一個人，做唔掂囉。」老闆之一「細劉生」解釋道。這個陪伴他們逾六十載的小天地，終將不復存在。

文字：Yanto @yanto_924
攝影：Hiuyan @hyphotgrap
設計：Kayan @yipyn

｜在茶莊的那些年

「我哋都喺九龍城長大、喺度出世㗎。一直以嚟，由返學放學直到結婚，都係喺九龍城生活， 其實九龍城就係我嘅故鄉。」從細劉生出生以來，他們一家七口便住在九龍城南角道，舊居與現舖只有一條馬路之隔。「因為我哋以前係前舖後居，直接住喺裏面。」1200呎的空間，由爸媽、五兄弟姐妹、店面、存貨攤分，每人分到的空間其實並不多。到晚上要睡覺時，「攞兩個茶葉箱，然後行一塊板，嗰塊板係兩呎左右，瞓一陣半夜會變咗喺地下，哈哈。」

不光是生活空間，茶莊的工作也佔據了細劉生童年一大部分。「放學之後，係做完舖頭嘅工作先做功課㗎。」那時生意興旺，五兄弟姐妹自然逃不過要幫忙分擔店內工作。他們每天一同圍着桌子包茶葉，動輒用上個多兩個小時。茶莊晚上九點關門，「你唔幫忙？咪無得收工囉。」姑勿論關店後，他們還要完成學校功課。

如斯日復一日，這群孩子也長大成人，正式步入社會。不過，細劉生並非一開始便計劃接手茶莊。建築、速遞、膠袋製作……他試過各種各樣的工作，最終還是因為父親回到了這裏。當時他的父親（即第一代細劉生）臥病在床，「當時我喺外面做嘢，佢叫我返嚟咪返嚟囉。從細到大（都做），就唔會難上手嘅。」於是，他便與哥哥一起正式接手茶莊。

｜變與不變

兩兄弟成為老闆後，數十年來龍城變化不斷：許多店舖倒了、老街坊搬了，店舖生意也不如以往。「以前好多士多辦館，佢哋會攞茶包嚟賣，一間舖同你攞10包，如果有50間舖都要500包啦。」現在街上卻已鮮見士多辦館的蹤影。又或是以往人聲鼎沸的大排檔，「我哋仲有賣咖啡紅茶，都係交俾街邊大排檔——以前獅子石道呢度全部都係大排檔，而家全部無曬啦。」

批發生意沒了，茶莊便只能依賴個體客群。但同樣地，顧客對茶葉的需求亦不如以往。過往的生活水平較低，很多人都是買幾錢茶葉自己回家泡茶，又或是逢年過節，買點茶葉回去招待客人，「而家比較少啦，而家可能佢哋會去買茶包，以前無咁多茶包。」不過，隨著生活水平上升，人們又更愛買茶葉作禮物送人，「有個老闆好鐘意送我們嘅鐵觀音俾人，700蚊一斤，佢一叫就叫二三十斤。」雖然整體客量減少，茶莊反而更多大生意了。

但不論外面如何變化，甫踏進茶莊，時光便彷彿凝結於五十年前。一字排開的鐵皮茶罐、用來量茶葉的鐵秤、佔了半個舖位的儲存倉……全都是為了確保出售的茶葉品質始終優良如初。「譬如普洱要儲存，唔係話儲存一年半載，係講緊我哋15年前開始入貨，入完貨儲存等佢發酵，可能要等佢15、甚至20年。」且為了方便顧客，他們始終堅持購入的茶葉品種要夠多樣，提供更多選擇。貨倉裏堆積如山的紙皮箱，承載着他們對不變的、對貨品質素的堅持。

｜九龍城之味

這份對茶的執著，讓兩位老闆在將來面臨重建拆遷時，寧願將茶莊結業也不願勉強繼續。七十年來，對茶葉的烘焙、處理、儲存、包裝，他們都做得一絲不苟；日後若要再找夠大的新舖位，讓他們儲存、處理茶葉，壓根不是易事，「或者樓齡大啲，又怕發展商又嚟（收樓），咁就變成白做。」加上哥哥亦有意退休，後繼無人，茶莊只好宣告即將光榮結業，「與其求其咁做，不如唔做啦。」

不過多年來的耕耘，亦為茶莊累積了一群忠實擁躉。喝了多年的老字號要就此告別，一眾老顧客固然不捨。「有啲街坊搬到好遠都會返嚟，因為你飲開嗰個味就係嗰個味。」因應獨特的處理手法，每間茶莊的出產風味都不盡相同。「你哋唔可以唔做㗎！」有得知消息的街坊如是說。但一己之念向來難敵時代洪流，細劉生也感嘆道：「我哋做法可能已經太古舊喇，仲做緊七十年前嘅嘢，就變咗會被時代淘汰。」

不只是茶莊，多年前曾盛行的士多辦館、大排檔文化等，亦隨着時代的洪流，逐漸被沖刷而去，如今已近乎絕跡。如鞋行、茶莊般的傳統老店買少見少，連鎖店、新式過江龍連連崛起；比起香氣濃醇的陳年普洱，現代人似乎更喜喝珍珠奶茶。一波波後浪推前浪下，重建過後的九龍城，又將變成何種風味？

——————–
In ACOO, you can see #ACOOPerson.