有錢又捨得使的香港人，萬物以貴為先。食火腿要食西班牙的，還要指定36個月食橡果大的伊比利亞黑毛豬。但其實，西方火腿家族十分龐大，被追捧多年的西班牙火腿越食越貴，價錢達離地境界。身邊不少鐘愛火腿之老饕，近年都紛紛反西歸意，情投意大利火腿懷抱。 可能你會嗤之以鼻，說意大利火腿那豈非指巴馬火腿嗎？巴馬火腿固然是其中一個皇牌，但意大利作為「火腿大國」，每年都出產大量高質又價廉物美的火腿，在香港超市或者意式雜貨店均同樣有售。下次到火腿冷櫃購買時，可試試跟肥饕指南。 若因火腿太鹹而敬而遠之，那你不能錯過煙燻肉片（speck）。此物其實是豬五花腩，肥瘦以大約各佔一半為上品，先醃後煙燻再風乾熟成。香料味不重，但其濃郁煙燻味最攝人心。由於屬輕度熟成火腿，沒有巴馬或聖丹尼爾那強烈而揮之不去的鹹味，加上那層白雪雪誘人脂肪，用作餐前小食，毋須配搭其他食物都可獨步天下。 牛頸脊你食得多，豬頸脊又試過嗎？如欲一試，下次在火腿凍櫃見到「coppa」一字，就萬勿錯過。這字代表豬後頸部位，肉質如梅花紋般肥瘦相間，可清晰見到肌理，故醃料毋須複雜，簡單以鹽、酒、大蒜等醃製後再風乾數月即成。價錢較那些巴馬火腿便宜一大截，但其性價比非常高。不過要留意，另一款火腿「coppa di testa」都有「coppa」一字，但此火腿是指以豬頸肉加豬面肉、豬皮等壓製加工而成的肉凍，雖然同樣美味可口，但兩者是完全不同類型的火腿。 另一款經常在火腿凍櫃被人遺忘的狠角色，便是全身火紅赤色的風乾牛肉（Bresaola）。此物以牛腿去骨去肥後，再以粗鹽、肉桂、荳蔻等包裹並風乾。切得極薄的風乾牛肉，不帶半點脂肪，入口軟嫩得來帶嚼勁，適合邊呷威士忌，邊吃這款越食越有味的牛肉珍品。 最後出場亦是最重口味的，恕我有點私心。嚴格來說它不是火腿，它就是有意大利豬油渣之稱的醃豬油（Lardo）。沒錯，就如其名一樣，Lardo就是純粹一塊經迷迭香等香料醃製最少半年的肥豬油，晶瑩剔透的Lardo是意大利菜經典「調味料」，效果有如法國菜之鴨油、粵菜金錢雞中那片「冰肉」無異。刨薄片後放上熱烘烘的麵包固然美味，配無花果同吃亦感受到那油潤甘香。若用來下廚加熱，刨幾片Lardo加入意粉同煮，其魔力分分鐘較白松露更吸引。

戲院、Gym房、卡拉OK等等嘅設施一一復常，全部都人頭湧湧，劇場、劇院都係一樣，自421以嚟，多個本地藝團同藝術家都帶嚟重磅節目，例如不加鎖舞踊館喺牛棚藝術村呈現嘅年度製作《品品》、城市當代舞蹈團同台灣衛武營共同製作嘅《再生瑪莉亞》、前進進戲劇工作坊喺西九文化區自由空間搬演嘅《鐵行里》，以及浪人劇場以《1984》同《動物農莊》作者、英國知名作家George Orwell第一部小說《緬甸歲月》為靈感來源創作嘅同名劇作等等， 各有各嘅捧場客，各有各嘅特色值得被關注同持續討論。   喺香港嘅表演藝術生態入面，星期五六日就係黃金時間，或者殺戮戰場，海量嘅節目同活動都喺呢個兵家必爭之地排住隊發生，好似上面提及嘅《再生瑪莉亞》、《鐵行里》同《緬甸歲月》就正正係喺同一個周末同觀眾見面，觀眾隨時都要走幾場，否則就有機會錯過咗心儀嘅創作人同節目；同時可能大家都餓騷已久，各個演出嘅票房成績都係相當唔錯，不但錄得全場爆滿，而且 《緬甸歲月》就連額外加場都係一票難求：單睇牌面都唔難理解，一方面《緬甸歲月》儘管唔算係文壇大熱作品，但係George Orwell位居享譽世界嘅大文豪行列，始終都有一定叫座力，另一方面浪人劇場藝術方向鮮明，一直專注於改編香港文學成為劇場演出，喺過去十五六年嘅歲月都累積咗一班固定觀眾，團隊今次更喺核心框架下引入嘗試：首次改編外國長篇小說，或者都有加分。   多得社交媒體嘅提醒，正正就喺2014年，同樣係5月中旬，當時喺上環文娛中心看睇過浪人劇場改編自香港文學家韓麗珠長篇代表作《縫身》嘅同名劇作，講述人係點樣透過同另一個身體嘅接合或切割，希望換嚟徹底嘅圓滿或燦爛，當年為咗有一個更完整嘅觀劇體驗，更加刻意趕喺入場之前速讀咗原著，結果呢？完場後嘅一個Status  update或者都言簡意賅咁交代咗：「相逢/相縫？由文學到劇場，沒有少，也沒有多；氣息相近，卻無足夠賦予」；的確，改編文學成為劇作係好有挑戰性，原汁原味將情節「做一次」、把文字「讀出嚟」，隨時引發「不如返去睇書」嘅疑竇，相反，大刀闊斧嘅改寫改編改動，則容易惹嚟「走樣」同「離譜」等批評，兩面不是人。   8年後嘅今日，喺初夏時份再睇浪人劇場嘅作品，《緬甸歲月》似乎喺上述兩端中拎到唔錯嘅平衡，忠於原著故事同情節嘅同時，導演/文本/舞台設計譚孔文自身對小說以至作者嘅闡釋同演繹，亦係顯而易見嘅，於是乎觀眾睇緊嘅《緬甸歲月》，既係George Orwell筆下原本嘅，同時間更重要亦係經譚孔文提煉過嘅。有咗構思同諗法之後，點樣呈現喺舞台就係另一個學問，浪人劇場固然有其既定嘅美學追求，今次創作中佢哋亦都特別邀請咗年輕舞蹈藝術家李偉能擔任編舞，嘗試喺表演風格中做更多嘅探索，儘管單睇成品未必能夠一眼看出二人嘅分工，然而今次創作喺場面上、畫面上係豐富嘅，同時有關嘅肢體動作同設計實實在在協助到精神嘅傳達、場景嘅建構，以至立意嘅深化，有別於一啲其他戲劇x舞蹈嘅劇場合作，僅僅流於「搵啲嘢做下、搵啲位郁下」嘅層次；誠然，喺藝術風格碰撞同匯流嘅過程中，難免會有混沌同消耗，然而喺整體效果令人驚喜之下，還是繼續期待呢一個組合會有更多交流。  

撇除近期幾部超級英雄暨多元宇宙大電影，事實上還看了幾部令人會心發笑的好電影，無獨有偶，剛好都是西班牙最強夫妻的作品。這邊廂，妻子 Penélope Cruz 所主演的《玩謝天王巨星》（Competencia oficial）和《誰和誰共母》（Madres paralelas）幾乎同期上映，另一方面，丈夫 Javier Bardem 則有毒舌喜劇《絕頂好腦細》（The Good Boss）。或許 Penélope Cruz 與西班牙國寶級導演 Pedro Almodóvar 已經合作過無數遍，兩人再度聯手的新作《誰和誰共母》，雖然仍不失 Almodóvar 的一貫水準，但總覺得不是太有驚喜，而且故事本身跟是枝裕和名作《誰調換了我的父親》有點相似，至少對我來說，珠玉在前難免失色一些。Almodóvar 對上一部作品《萬千痛愛在一生》的自我回顧及自嘲反而更動容，頗有將自己豁了出去的豪情，今次電影主題回到母親的抉擇，其實舊調重彈，或者玩票性質居多。相比起來，還是 Penélope Cruz 跟兩位阿根廷導演 Gastón Duprat 和 Mariano Cohn 合作的《玩謝天王巨星》玩得離經叛道，更魅力四射。 兩位阿根廷導演是近年每次出手都很惹火的鬼才組合，前作《玩謝大作家》尚且遙距嘲諷文壇巨星，故作清高實則戀棧虛名，今次《玩謝天王巨星》轉戰電影界，火藥味更為香濃辛辣。人人都熱愛藝術，其實人人都虛偽，有錢就是任性、買獎買品味的土豪金主，詭計多端、擅長爆喊放電扮曖昧的才女導演，囂張擺款愛作大、演技過於平庸的萬人迷巨星，還有滿肚子懶高深理論、自命清高卻最陰險的戲劇大師。電影拍得簡潔，對白赤裸露骨，借三大明星演員 Penélope Cruz、Antonio Banderas 與 Oscar Martínez 於台前幕後爭風呷醋，零距離自嘲行內醜態，見盡表面風光背後作狀虛偽的自我中心狂魔。當他們高呼著電影就是藝術，鏡頭背後卻是一自大狂的樂園，俗物類聚，各懷鬼胎，居然就可以發光發亮。 如果你身邊都充斥著這些虛偽人物，《玩謝天王巨星》的確像一台碎鐵機，在你面前將所有東西還原成一堆廢鐵，過程相當療癒舒暢。 但說到療癒，若人生遇過不少麻煩上司、部門主管、超級腦細，應該會在西班牙導演 Fernando León de Aranoa